‘संवाद’तर्फे शनिवारी ‘महानायक सावरकर’

पुणे, ता. २५ ः ‘संवाद, पुणे’ आणि ‘बढेकर ग्रुप’ यांच्यातर्फे स्वातंत्र्यवीर सावरकर यांच्या १३९ व्या जयंतीनिमित्त ‘महानायक सावरकर- क्रांतीसूर्याची तेजस्वी गाथा’ या सांस्कृतिक कार्यक्रमाचे शनिवारी (ता. २८) सायंकाळी ५.३० वाजता आयोजन केले आहे.

या कार्यक्रमात अभिनेत्री व लेखिका अपर्णा चोथे यांना विधान परिषदेच्या उपसभापती डॉ. नीलम गोऱ्हे यांच्या हस्ते ‘सावरकर विचारधारा युवा पुरस्कार’ देण्यात येणार असून यावेळी ‘बढेकर ग्रुप’चे प्रवीण बढेकर उपस्थित राहणार आहेत. पुरस्कार वितरणानंतर ‘महानायक सावरकर’ हा गीत संगीताचा कार्यक्रम सादर केला जाणार आहे. या कार्यक्रमाची संकल्पना सुनील महाजन यांची असून, निर्मिती निकिता मोघे यांनी केली आहे. कार्यक्रमाची संहिता आणि निवेदन ऋचा थत्ते यांचे आहे. श्रुती देवस्थळी, सुजित सोमण, हेमंत वाळूजकर हे पार्श्वगायक सहभागी होणार आहेत. हा कार्यक्रम विनामूल्य असून, रसिकांनी त्याचा लाभ घ्यावा, असे आवाहन ‘संवाद, पुणे’चे सुनील महाजन यांनी केले आहे.