एक लाख रुपयांची मदत द्यावी : शेख

पुणे, ता. २७ : कोरोनामुळे शहरातील कर्त्या व्यक्तीचे निधन झाले असल्यास महापालिकेने नैतिक कर्तव्य म्हणून संबंधित कुटुंबीयांना १ लाख रुपयांची मदत द्यावी, अशी मागणी अली रझा यंग सर्कलचे तौसिफ शेख यांनी पत्रकार परिषदेत केली.
कोरोनामुळे पुण्यातील सुमारे ९ हजार ३०० व्यक्तींना जीव गमवावा लागला आहे. देशातील २१ राज्यातील कोरोना मृत्यूपेक्षा एकट्या पुणे शहरातील मृत्यू अधिक आहेत. कर्त्या व्यक्तीच्या निधनामुळे अनेक कुटुंबावर आर्थिक संकटांचा डोंगर कोसळला आहे. त्यामुळे संबंधितांच्या वारसांना किमान एक लाख रुपयाची आर्थिक मदत करावी. यासाठी महापालिकेला सुमारे ९० कोटी रुपये खर्च करावे लागतील. महापालिकेचा अर्थसंकल्प ८ हजार ५०० कोटींचा आहे. त्यामुळे कोरोनाबाधितांना आर्थिक मदत शक्य आहे, असे शेख यांनी म्हटले आहे.