‘निमा’च्या अमृत महोत्सवानिमित्त कार्यक्रम

पुणे, ता. १८ ः नॅशनल इंटिग्रेटेड मेडिकल असोसिएशनच्या (निमा) अमृत महोत्सवानिमित्त विशेष कार्यक्रम आयोजित करण्यात आला आहे, अशी माहिती निमाचे राज्य अध्यक्ष डॉ सुहास जाधव आणि सहसचिव डॉ. दत्तात्रय कोकाटे यांनी पत्रकार परिषदेत दिली. हा कार्यक्रम रविवारी (ता. २२) सकाळी १० वाजता भोसरी येथील अंकुशराव लांडगे सभागृहात होणार आहे. यावेळी खासदार शरद पवार, आरोग्यमंत्री राजेश टोपे, आमदार डॉ. किरण लहमते आणि पिंपरी चिंचवडचे आयुक्त राजेश पाटील प्रमुख पाहुणे म्हणून उपस्थित राहणार असल्याचे डॉ. जाधव यांनी यावेळी सांगितले. आयुर्वेद आणि ॲलोपॅथी असे दोन्ही पद्धतीने उपचार करणाऱ्या डॉक्टरांची शाखा असणारी ही असोसिएशन आहे.