प्रतिभा संगम साहित्य संमेलनाचा समारोप

पुणे, ता. १८ : अखिल भारतीय विद्यार्थी परिषद, पश्चिम महाराष्ट्र प्रदेश आणि राष्ट्रीय कला मंचातर्फे आयोजित ‘प्रतिभा संगम’ हे १९ वे राज्यस्तरीय विद्यार्थी साहित्य संमेलन नुकतेच पार पडले.

संमेलनाची सुरुवात ग्रंथदिंडीने झाली. ग्रंथदिंडीचे उद्‍घाटन ज्येष्ठ इतिहास संशोधक पांडुरंग बलकवडे व शाहीर हेमंतराजे मावळे यांच्या हस्ते झाले. त्यानंतर बालसाहित्यकार डॉ. संगीता बर्वे यांच्या हस्ते संमेलनाचे उद्‍घाटन झाले. त्यानंतर पथनाट्य, सांस्कृतिक कार्यक्रम, कविसंमेलन, पथनाट्य लेखन, वैचारिक लेख आदींचे सादरीकरण झाले. संमेलनाच्या दुसऱ्या दिवशीच्या पहिल्या सत्रात निवडक कथांचे सादरीकरण झाले. तर ‘संत साहित्य व आजचा विद्यार्थी’ या विषयी ज्येष्ठ संत साहित्यिक व अखिल भारतीय साहित्य संमेलनाचे माजी अध्यक्ष डॉ. सदानंद मोरे यांनी विद्यार्थ्यांना मार्गदर्शन केले. संमेलनाचे निमंत्रक डॉ. सुनील कुलकर्णी, स्वागताध्यक्ष प्रदीप रावत, स्वागत सचिव डॉ. श्रीपाद ढेकणे, ‘अभाविप’चे पश्चिम महाराष्ट्र प्रांत संघटनमंत्री अभिजित पाटील, प्रांतमंत्री अनिल ठोंबरे, पुणे महानगर मंत्री शुभंकर बाचल यांच्या मार्गदर्शनाखाली हे संमेलन पार पडले.