सामाजिक समरसता मंचाने जोडले समाजमन : इदाते

पुणे, ता.१३ : सामाजिक समरसता मंचाने चार दशकात बलुतेदार, अठरापगड संस्था व भटके विमुक्त यांना एकत्र आणून समाजमन जोडण्याचे महत्त्वपूर्ण काम केल्याचे पद्मश्री भिकुजी यांनी सांगितले.
क्षत्रिय मराठा परीट तरुण मंडळाच्यावतीने पाच दशके समाजसेवापूर्ती व जनसेवा बँकेच्या संचालकपदी समरसता मंचाचे पुणे शहर माजी अध्यक्ष नंदकुमार राऊत यांची नियुक्तीबद्दल सत्कार करण्यात आला. यावेळी इदाते बोलत होते. कार्यक्रमाच्या अध्यक्षस्थानी माजी उपमहापौर सुरेश नाशिककर उपस्थित होते. तर व्यासपीठावर लोकशाहीर अण्णाभाऊ साठे अध्यासन प्रमुख सुनील भंडगे, बाबासाहेब जाधव, बारा बलुतेदार समाज विकास संघाचे प्रदेश अध्यक्ष रामदास सूर्यवंशी, माजी नगरसेवक नीलेश निकम, माजी नगरसेविका स्वाती लोखंडे, अभिनेता निखिल राऊत आदी मान्यवर उपस्थित होते.
इदाते म्हणाले, ‘‘सामाजिक समरसतेची धुरा ज्यांनी खांद्यावर घेत कार्य केले, त्या प्रत्येकाचे योगदान मोठे आहे. त्यापैकी नंदकुमार राऊत यांचे कार्य कौतुकास्पद आहे. परीट सेवा मंडळाचे अध्यक्ष अनुप राऊत यांनी कार्यक्रमाचे प्रास्ताविक केले.नीलेश राऊत सूत्रसंचालन केले, तर संतोषी पारडे यांनी आभार मानले. सुरेश नाशिककर, दत्ता फंड, प्रकाश अभ्यंकर, पुष्पा भोसले, सुनील शिंदे आदींनी कार्यक्रम यशस्वितेसाठी प्रयत्न केले.