ब्लॉकमुळे पाच दिवस रेल्वे गाड्या रद्द

पुणे, ता. २४ ः सोलापूर विभागात दौंड-मनमाड सेक्शनमध्ये रेल्वे मार्गाच्या दुहेरीकरणाचे काम सुरू आहे. त्यामुळे २८ मार्च ते १ एप्रिल दरम्यान ब्लॉक घेण्यात येणार आहे. त्यामुळे काही गाड्या रद्द करण्यात आले असून काही गाड्यांचा मार्ग बदलला आहे. २९ मार्च रोजी पुण्याहून सुटणारी पुणे-हटिया एक्स्प्रेस ही गाडी संध्याकाळी ५ वाजून ५५ मिनिटांनी निघेल.

रद्द केलेल्या रेल्वे गाड्या
२८ मार्च - कोल्हापूर-गोंदिया एक्स्प्रेस, नागपूर-पुणे एक्स्प्रेस, नांदेड पुणे एक्स्प्रेस.
२९ मार्च- पुणे-नांदेड एक्स्प्रेस, पुणे नागपूर एक्स्प्रेस.
३० मार्च- गोंदिया-कोल्हापूर महाराष्ट्र एक्स्प्रेस
१ एप्रिल- निजामाबाद-पुणे एक्स्प्रेस

या गाड्यांच्या मार्गात बदल
२८ मार्च : कोल्हापूर ते हजरत निझामुद्दीन एक्स्प्रेस, यशवंतपूर-हजरत निजामुद्दीन एक्स्प्रेस व २९ मार्च रोजी पुणे-बनारस ही रेल्वे लोणावळा-पनवेल-कल्याण-मनमाड मार्गे धावेल. २७ मार्चला हावडा-पुणे व हटिया-पुणे एक्स्प्रेस ही रेल्वे नागपूर -बल्लारशाह-वाडी-सिकंदराबाद-दौंडमार्गे धावेल.