विद्यापीठात उद्या सामरिक संवाद परिषद
पुणे, ता. २५ : सावित्रीबाई फुले पुणे विद्यापीठातील संरक्षण व सामरिकशास्त्र विभाग आणि दिल्ली येथील सेंटर फॉर चायना अनालिसिस ॲण्ड स्ट्रॅटेजी यांच्या संयुक्त विद्यमाने ‘चीनचा उदय आणि त्याचे जागतिक परिणाम’ विषयावर दुसरी सामरिक संवाद परिषद सोमवारी (ता. २७) आणि मंगळवारी (ता.२८) आयोजित केली आहे. या परिषदेचे उद्‌घाटन लष्करप्रमुख जनरल मनोज पांडे यांच्या बीजभाषणाने सोमवारी दुपारी चार वाजता होणार आहे. विद्यापीठातील संत ज्ञानेश्वर सभागृहात ही परिषद होईल.
या वेळी विद्यापीठाचे प्रभारी कुलगुरू डॉ. कारभारी काळे, प्र-कुलगुरू डॉ. संजीव सोनवणे, माजी कुलगुरु डॉ. नितीन करमळकर, डॉ. वासुदेव गाडे, सेंटर फॉर चायना अनालिसिस ॲण्ड स्ट्रॅटेजीचे अध्यक्ष जयदेव रानडे आदी मान्यवर उपस्थित राहणार आहेत, अशी माहिती विद्यापीठाच्या संरक्षण व सामरिकशास्त्र विभागाचे प्रमुख डॉ. विजय खरे यांनी दिली. परिषदेत दुसऱ्या दिवशी भारताचे माजी राजदूत गौतम बंबावले, गुजरातमधील महाराज सयाजीराव गायकवाड विद्यापीठातील प्रा. दिलीप मोहिते, डॉ. श्रीकांत परांजपे, एअर मार्शल भूषण गोखले (निवृत्त), अमेरिकन दूतावासाचे जिम विल्सन, टोकियो येथील इंडो पॅसिफिक स्ट्रॅटेजिक स्टडीज केंद्राचे डॉ. अकिमोटोदैसुके, एअर मार्शल एस. एस. सोमण (निवृत्त), लेफ्टनंट जनरल सुदर्शन हसबनीस (निवृत्त), डॉ. अरविंद कुमार आदी मान्यवर मार्गदर्शन करणार आहेत.
हे ही वाचा
