मुलीवर अत्याचार

अल्पवयीन मुलीवर अत्याचार
पुणे, ता. २ : एका अल्पवयीन मुलीवर तिघा नराधमांनी सामूहिक लैंगिक अत्याचार केल्याची धक्कादायक घटना समोर आली आहे. पीडित मुलीने शाळेतील शिक्षकांना सांगितल्यानंतर हे उघडकीस आले. या प्रकरणी १६ वर्षीय मुलीने फिर्याद दिली. त्यावरून कोंढवा पोलिसांनी पोक्सो (लैंगिक अपराधापासून बालकांचे संरक्षण) कायद्याखाली एका आरोपीला अटक केली आहे. मुन्ना मेहबूब नदाफ (वय २६, रा. येवलेवाडी, पुणे, मूळ रा. अमन चौक, सोलापूर) असे अटक केलेल्याचे नाव आहे. हा प्रकार २०१८ ते २०१९ दरम्यान घडला. मुलगी त्यावेळी इयत्ता सातवीत होती. ती घराशेजारी खेळत होती. त्यावेळी एका घराच्या खिडकीतून खाली पडलेली वस्तू देण्यासाठी ती घरात गेली. तेव्हा आरोपींनी तिला घरात ओढून अत्याचार केला, तसेच कोणाला सांगितल्यास कुटुंबीयांना त्रास देण्याची धमकीही तिला दिली. त्यामुळे पीडितेने घाबरून कुणालाही कल्पना दिली नव्हती. नंतर शिक्षकांना सांगितले. त्यावेळी इतर दोन आरोपी फरारी असून पोलिस त्यांचा शोध घेत आहेत.
-----