तीन सहायक पोलिस आयुक्तांची नियुक्ती

पुणे, ता. २८ : पुणे पोलिस आयुक्तालयात बदलून आलेल्या तीन सहायक पोलिस आयुक्तांची नियुक्ती करण्यात आली आहे. या संदर्भात पोलिस आयुक्त रितेश कुमार यांनी शनिवारी (ता. २७) रात्री आदेश दिले. सहायक पोलिस आयुक्त अश्विनी राख यांची हडपसर विभागात नियुक्ती केली. सहायक पोलिस आयुक्त मच्छिंद्र खाडे यांची शहर वाहतूक शाखेत, तर सहायक आयुक्त अशोक धुमाळ यांची फरासखाना विभागात नियुक्ती करण्यात आली आहे.