डॉ. इनामदार यांना ‘टीडीएफ’चा जीवनगौरव पुरस्कार प्रदान

पुणे, ता. ३१ : महाराष्ट्र शिक्षक लोकशाही आघाडी संलग्न पुणे शहर शिक्षक लोकशाही आघाडी (टीडीएफ) व माध्यमिक शिक्षक संघाच्या वतीने दिला जाणारा यावर्षीचा जीवनगौरव पुरस्कार डॉ. पी. ए. इनामदार विद्यापीठाचे कुलपती डॉ. पी. ए. इनामदार यांना महाराष्ट्र राज्य शिक्षक लोकशाही आघाडीचे अध्यक्ष जी. के. थोरात व पुणे विभाग ‘टीडीएफ’चे अध्यक्ष प्राचार्य शिवाजीराव कामथे यांच्या हस्ते प्रदान करण्यात आला. यावेळी ‘टीडीएफ’चे अध्यक्ष प्रा. संतोष थोरात, माध्यमिक शिक्षक संघाचे अध्यक्ष प्राचार्य राज मुजावर, पुणे शहर ज्युनिअर कॉलेज ‘टीडीएफ’चे अध्यक्ष प्रा. शशिकांत शिंदे, पुणे माध्यमिक सहकारी पतसंस्थेचे माजी अध्यक्ष विजयराव कचरे, माध्यमिक शिक्षक संघाचे कार्याध्यक्ष अशोक धालगडे, अमजद पठाण तसेच संघटनेचे उपस्थित होते.