शहीद जवानांच्या वीरपत्नींची भाऊबीज

पुणे, ता. २४ : सैनिक मित्र परिवार, सेवा मित्र मंडळ, रोटरी क्लब मिडटाऊन, नारद मंदिर आणि सहयोगी संस्थांच्यावतीने शहीद आणि बेपत्ता जवानांच्या वीर पत्नींची रौप्यमहोत्सवी भाऊबीज या कार्यक्रमाचे आयोजन सदाशिव पेठेतील नारद मंदिर येथे केले होते. यावेळी राष्ट्रीय कीर्तनकार चारुदत्त आफळे, ज्येष्ठ उद्योजक कृष्णकुमार गोयल, रोटरी क्लबचे डॉ. चंद्रशेखर वळवणकर, आचार्य शाहीर हेमंत मावळे, सेवा मित्र मंडळाचे अध्यक्ष नितीन होले आदी उपस्थित होते. मंदार रांजेकर, गिरीश पोटफोडे, पराग गुजराती, शेखर कोरडे, अमर लांडे, उमेश देशमुख यांनी कार्यक्रमाच्या आयोजनात सहभाग घेतला. पराग ठाकूर यांनी स्वागत केले. गिरीश पोटफोडे यांनी सूत्रसंचालन केले. शिरीष मोहिते यांनी आभार मानले.