‘वर्ल्ड टेक्नॉलॉजी समिट’चे ‘एमआयटी’मध्ये आयोजन

पुणे, ता. १ : एमआयटी वर्ल्ड पीस युनिव्हर्सिटीमध्ये येत्या गुरुवार (ता. ६) आणि शुक्रवारी (ता. ७) ‘वर्ल्ड टेक्नॉलॉजी समिट २०२५’ ही परिषद होणार आहे. यात २५ देशांमधील ५०० हून अधिक मान्यवर सहभागी होणार आहेत.
डेटा आणि लाइफ सायन्सेस, कृत्रिम बुद्धिमत्ता, बायोटेक्नॉलॉजी, डिजिटल इन्फ्रास्ट्रक्चर, हेल्थ-टेक, क्लायमेट-टेक आणि सस्टेनेबल डेव्हलपमेंट या क्षेत्रांतील अत्याधुनिक प्रगतीवर परिषदेत लक्ष केंद्रित केले जाणार आहे. जगभरातील संशोधक, तंत्रज्ञ, धोरणकर्ते आणि उद्योग क्षेत्रातील दिग्गज परिषदेत सहभागी होणार आहेत, अशी माहिती एमआयटीच्या इनोव्हेशन, स्टार्टअप्स आणि कोलॅबोरेशन्सचे अधिष्ठाता डॉ. गणेश काकंडीकर यांनी दिली.