वरसगाव धरणात ८४ टक्के पाणीसाठा

खडकवासला, ता. २० : वरसगाव धरणाच्या पाणलोट क्षेत्रात दमदार पाऊस पडल्याने १०.७२ टीएमसी इतका पाणीसाठा झाला असून, धरण ८३. ६२ टक्के भरले आहे.
यंदाच्या वर्षी जोरदार पाऊस लवकर सुरू झाल्यामुळे, ही वाढ केवळ वरसगावपुरती मर्यादित न राहता, संपूर्ण खडकवासला धरणसाखळीत दिसून येत आहे. आतापर्यंत पडलेल्या पावसामुळे पुणेकरांना दिलासा मिळाला आहे.
खडकवासला धरणाची क्षमता १.९७ टीएमसी आहे. सध्या धरणामध्ये १.१० टीएमसी म्हणजे ५५.५५ टक्के पाणी आहे. धरणातून आतापर्यंत ५.४८ टीएमसी पाणी विसर्ग करण्यात आले आहे. पानशेत धरणाची क्षमता १०. ६५ टीएमसी आहे. सध्या धरणात ८.४३ टीएमसी म्हणजे ७९.१७ टक्के साठा असून, यामध्ये २९ दशलक्ष घनफूट एवढी आवक आहे.‌ टेमघर धरणाची क्षमता ३. ७१ टीएमसी आहे. आज धरणात २.७४ टीएमसी म्हणजे ७३.९८ टक्के साठा असून, २९ मे रोजी फक्त ०.१४ टीएमसी ३.८८ टक्के शिल्लक होता. २० जुलै रोजी संध्याकाळी पाचपर्यंत धरणसाखळीत एकूण २२.९९ टीएमसी म्हणजे ७८.८७ टक्के पाणीसाठा जमा झाला आहे. याच कालावधीत गेल्या वर्षी फक्त १२.९३ टीएमसी ४४.३६ टक्के इतकाच साठा होता.
फोटो ः 69984