सेवा धर्मातून ३५ गायींचे संगोपन

मार्केट यार्ड, ता. २२ : समाजातील प्रत्येक व्यक्तीने गायीची सेवा केली पाहिजे. या सेवाधर्माच्या विचारानुसार ओम गुरू आनंद गोशाळेच्या माध्यमांतून ३५ गायींचे संगोपन करण्यात येत आहे. हे काम व्यावसायिक अभय संचेती आणि त्यांचे कुटुंबीय करत आहेत. मागील दहा वर्षांपासून ही सेवा अविरत सुरू आहे
मावडी (सासवड) परिसरात गायींसाठी स्वखर्चातून गोठ्याची उभारणी केली आहे. यामध्ये एकूण ३५ गायींचे संगोपन सुरू आहे. २०१३ मध्ये गोशाळेची स्थापना केली. नव्या पिढीला आणि समाजातील इतर लोकांना गायीचे महत्त्व कळावे, या उद्देशाने गायींचे संगोपन करत आहेत. नैसर्गिक आपत्ती कधीही येऊ शकते हा विचार करून दरवर्षी एका वर्षाची चाऱ्याची व्यवस्था करून ठेवण्यात येत असल्याचे मनीष संचेती यांनी सांगितले.
सेवाभाव या वृत्तीने गायींचे संगोपन केले जाते. सर्व सहकारी पूर्ण श्रद्धेने सेवा करत असल्याचे पाहायला मिळते. गायींना याठिकाणी पोषक आहार दिला जातो. यात पेंड, भुसा आदींचा समावेश असतो. सद्यःस्थितीत उसाचे वाढे, घास, ज्वारीचा कडबा आदी चारा गायींना दिला जातो. गोशाळेच्या सेवेसाठी मोहनलाल संचेती, पुकराज संचेती, किशोर संचेती, मनीष संचेती, अशोक श्रीमाळ, धनराज कटारिया, नंदकुमार चोरडिया, दिलीपकुमार दर्डा, राजेंद्र भटेवरा, जेठमल दादीच, विजय शिंगवी, सुरेंद्र श्रीश्रीमाळ, सचिन गदिया, सुरेश वानगोता सहकार्य करत आहेत.