अंधारबन जंगलातून पर्यटकांची सुटका

मुळशी खुर्द (ता. मुळशी) - गगनदीप, प्रांशू, सिद्धी यांना बाहेर काढल्यानंतर पोलिस, वनखात्याचे अधिकारी.
मुळशी खुर्द (ता. मुळशी) - गगनदीप, प्रांशू, सिद्धी यांना बाहेर काढल्यानंतर पोलिस, वनखात्याचे अधिकारी.

माले - मुळशी धरण भागातील दाट अंधारबन जंगलात ट्रेकिंग करताना रात्रीच्या अंधारात अडकलेल्या तीन पर्यटकांची ग्रामस्थ, पोलिस, वनखात्याचे कर्मचारी यांनी सुखरूप सुटका केली. शनिवारी पिंपरी (ता. मुळशी) येथील अंधारबनातील दरीत हा प्रकार घडला.

गगनदीप हरचरण सिंग, प्रांशू प्रदीपसिंह चौधरी (दोघेही रा. बाणेर, पुणे), सिद्धी किरण शहा (रा. हिमकुंज बिल्डिंग, स्वारगेट, पुणे) अशी सुटका केलेल्या पर्यटकांची नावे आहेत. 

गगनदीप, प्रांशु, सिद्धी हे अंधारबनात ट्रेकिंगसाठी आले होते. शनिवारी सकाळी त्यांनी पिंपरी येथून ट्रेकिंगला सुरवात केली. ट्रेकिंग करताना ते पिंपरीच्या दरीत उतरले. दरीत दिवसभर ट्रेकिंग करून पिंपरीकडे परतताना सायंकाळी सातच्या सुमारास ते घोलाच्या ठिकाणी पोचले. घनदाट जंगल व दरीत असल्याने इतर ठिकाणांपेक्षा लवकर अंधार झाला होता. त्यामुळे त्यांना झाडीतून वाटही लक्षात येत नव्हती. 

गगनदीप याला अस्वस्थ वाटू लागल्याने प्रांशू मदत आणण्यासाठी पिंपरी गावच्या दिशेने रस्ता शोधत निघाला. दरीतून वर आल्यावर प्रांशूला रेंज मिळाल्याने त्याने १०० क्रमांकावर पोलिसांना मदत मागितली. 

पिंपरीतील ओळखीच्या लोकांना फोन केला. दरम्यान, पौड पोलिस स्‍टेशनचे निरीक्षक अशोक धुमाळ यांनी उपनिरीक्षक अनिल लवटे, मुजावर, हगवणे यांना रवाना केले. ताम्हिणी अभयारण्याच्या वनपरिक्षेत्र अधिकारी अंकिता तरडे याही त्यांच्या कर्मचाऱ्यांसह निघाल्या. त्यांनी वांद्रेच्या सरपंच दीपाली कोकरे यांना परिस्थिती सांगून स्थानिक लोकांना मदतीसाठी पाठवण्यास सांगितले. 

पिंपरी येथील अनिल खराडे, सुदाम खराडे आदींनी दरीकडे धाव घेतली. रात्रीच्या अंधारात टॉर्चच्या मदतीने त्यांनी गगनदीप व सिद्धी यांना दरी, जंगलातून सुखरूप बाहेर काढले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com