पुणे : कात्रज घाटाजवळ अपघात, दोन ठार 

पुणे : भरधाव दुचाकींची समोरासमोर धडक होऊन झालेल्या अपघातात दोघेजण गंभीर जखमी झाल्याने त्यांचा मृत्यु झाला. तर अन्य दोघेजण जखमी असून, त्यांच्यावर रुग्णलयात उपचार सुरू आहेत. हा अपघात पुणे-सातारा महामार्गावर शनिवारी रात्री आठ वाजता घडला. याप्रकरणी भारती विद्यापीठ पोलिस ठाण्यात गुन्हा दाखल करण्यात आला आहे.

ताज्या बातम्यांसाठी डाऊनलोड करा ई-सकाळचे ऍप

प्रवीण नारायण पवार (वय 30, रा.जांभुळवाडी रोड, दत्तनगर, कात्रज) व किशोर विष्णु पांचाळ (वय 18, रा. लाटणे चाळ, कात्रज) अशी अपघातात मृत्यु झालेल्या दोघांची नावे आहेत. तर रोहित पांडुरंग साळुंखे (वय 18, रा. अंजनीनगर, कात्रज) व छबुताई नारायण पवार (वय 55, रा.जांभुळवाडी) अशी जखमी झालेल्या दोघांची नावे आहेत. 

पुण्याच्या बातम्या वाचण्यासाठी येथे ► क्लिक करा 

पोलिसांनी दिलेल्या माहितीनुसार, प्रवीण व छबुताई हे दोघेजण कात्रजकडून भोरच्या दिशेने त्यांच्या दुचाकीवरुन होते. त्याच वेळी रोहीत व किशोर हे दोघेजण त्यांच्या दुचाकीवरुन कात्रज बोगद्याकडून पुण्याकडे येत होते. दोघाच्याही गाड्या महामार्गावरील स्वागत हॉटेल येथे समोरासमोर आल्याने त्यांच्यात जोरदार धडक बसली. त्यावेळी रोहित साळुंखे याच्या डोक्याला व अंगावर मोठ्या प्रमाणावर जखमा झाल्या. तर दुचाकीवर मागे बसलेल्या छबुताई यांनाही जोरदार मार लागून त्यांच्या पायाला गंभीर दुखापत झाली. त्याचवेळी किशोर याला देखील गंभीर दुखापत झाली.  प्रवीण पवार व  किशोर पांचाळ हे देखील गंभीर जखमी झाल्याने त्यांच्यासह चौघानाही उपचारासाठी रुग्णलयात दाखल करण्यात आले. प्रवीण व किशोर यांच्यावर उपचार सुरु असतानाच त्यांचा मृत्यू झाला. छबुताई यांच्यावर भोर येथील रूग्णालयात तर, रोहित याच्यावर ससून रूग्णालयात उपचार सुरू आहेत.