पुण्यातील वैकुंठ स्मशानभूमीत जिवंत कोंबडी, काळी बाहुली अन्...
पुणे : विद्येचे माहेरघर असणाऱ्या पुण्यात अद्यापही अंधश्रद्धेचे प्रकार घडत आहेत. वैकुंठ स्मशानभूमीत कोंबडीचा उतारा टाकण्याचा प्रकार घडला आहे.
दरम्यान, वैकुंठ स्मशानभूमीतून बाहेर पडताना गेटच्या कडेला नंदिनी जाधव यांची नजर कोपऱ्यात गेली. तेथे एक कुत्रे एका टोपलीचा वास घेत होते. नंदिनी जाधव, दीपक गिरमे व अरविंद पाखले यांनी जवळ जाऊन पाहिले तर त्या टोपलीत एक काळी कोंबडी तिचे पाय बांधून तिच्या गळ्यात काळी बाहुली लाल दोऱ्याने अडकून टाकली होती.
एवढेच नाही तर कोंबडी पळून जाऊ नये म्हणून तिचा एक पाय मोडला होता व तिची एक वरील चोच देखील कापली होती. त्या टोपलीत भाकऱ्या, लिंबे, पोवळा, काळ्या बाहुल्या, टाचण्या इत्यादी टाकण्यात आले होते. अंनिसच्या कार्यकर्त्यांनी कोंबडीला पहिल्यांदा बाहेर काढले तिचे पाय सोडले आणि तिला पाणीही पाजले. पण कोंबडीला तिचा एक पाय तोडल्याने उभे राहता येत नव्हते.
पुण्यात करणीच्या नावाने टाकले जाणारे हे उतारे पाहून समाज अजून किती अंधश्रद्धेमध्ये बुडाला आहे हे दिसून येत आहे. अशा भ्रामक अघोरी प्रथांमध्ये अडकलेल्यांना बाहेर पाडण्याचा प्रयत्न पुणेकर करणार की नाही, असा सवाल निर्माण होत आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.