पुणे - शहरात एलिव्हेटेड मेट्रोचे काम प्रगतिपथावर असताना आता भुयारी मेट्रोचे कामही सुरू झाले आहे. चीनमधून दाखल झालेल्या अजस्र अशा ‘टनेल बोअरिंग मशिन’च्या मदतीने कृषी महाविद्यालय येथून जमिनीत भुयार खोदण्याचे काम दोन दिवसांपासून सुरू करण्यात आले आहे.
टाटा प्रोजेक्ट्स लिमिटेडच्या अर्बन इन्फ्रास्ट्रक्चर विभागाचे मुख्य कार्यकारी अधिकारी राहुल शहा यांनी दिलेल्या माहितीनुसार, पुणे मेट्रोचा भुयारी मार्ग शिवाजीनगर ते स्वारगेट असा ८.२ किलोमीटर लांबीचा आहे. या मार्गात पाच स्थानके असतील. पॅकेज एकमध्ये दोन, तर पॅकेज दोनमध्ये तीन स्थानके असतील. टाटातर्फे यापूर्वी लखनौ व मुंबई मेट्रोच्या भुयारी मार्गाचे काम करण्यात आले आहे.
‘‘टनेल बोअरिंग मशिनने ६५ ते १०० फूट खोलीचे खोदकाम केले जाईल. या मशिनची लांबी २७९ फूट आहे,’’ असे टाटा प्रोजेक्ट्स लिमिटेडचे व्यवस्थापकीय संचालक विनायक देशपांडे यांनी सांगितले.
मेट्रोचे जनसंपर्क अधिकारी हेमंत सोनवणे म्हणाले, ‘‘दोन आठवड्यांपूर्वी चीन येथून अनेक महिन्यांचा प्रवास करून टनेल बोअरिंग मशिनचे सुटे भाग पुण्यात आणण्यात झाले. त्यांची जोडणी पूर्ण झाल्यानंतर दोन दिवसांपासून कृषी महाविद्यालयाच्या मैदानावर मशिनने भुयारी मार्गाची चाचपणी सुरू केली आहे. या मशिनद्वारे २४ तासांत किमान ६ ते ७ मीटरची खोदाई होते.’’
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.