पिंपरी : चिखलीत अज्ञात वाहन अंगावरुन गेल्याने एक ठार 

पिंपरी : चिखली येथील स्पाईन रस्त्यावर अज्ञात वाहन अंगावरुन गेल्याने प्रौढ इसमाचा जागीच मृत्यू झाला. या प्रकरणी, चिखली पोलीसांनी आरोपी वाहन चालकाविरुद्ध गुन्हा दाखल केला आहे. नामदेव फकिरप्पा श्रीगोंड (वय 54, रा.चिखली, सध्या सोलापूर) असे मयत इसमाचे नाव आहे. स्पाईन रस्त्यावरील गणेश टायर्स दुकानाजवळ रात्री हा अपघात घडला. 

ताज्या बातम्यांसाठी ई-सकाळचे एप डाऊनलोड करा 

पोलिसांकडून मिळालेल्या माहितीनुसार, शहरातील एका कंपनीत श्रीगोंड हे कामास होते. परंतु, काही कारणास्तव कंपनी बंद पडली. त्यामुळे, ते सोलापूरला स्थलांतरीत झाले होते. कंपनीतील शिल्लक पैसे घेण्यासाठी ते नातेवाईकांकडे मुक्कामी होते. पैसे घेण्यासाठी जाताना ते रस्त्यावर पडले. तेव्हा, त्यांच्या अंगावरुन अज्ञात वाहन निघून गेले. त्यात, श्रीगोंड यांच्या डोक्‍याला व छातीला गंभीर दुखापत झाली आणि त्यांचा मृत्यू झाला.

पुणे : वारज्यात गटाराच्या चेंबरमध्ये सापडला अज्ञात महिलेचा मृतदेह  

आरोपी वाहनचालक अंधाराचा फायदा घेऊन पळून जाण्यात यशस्वी झाला. या प्रकरणी, त्यांच्या पत्नी श्रीमती शारदा नामदेव श्रीगोंड (वय 46, रा.ओमसाई हौसिंग सोसायटी, घरकुल, चिखली) यांनी फिर्याद दाखल केली आहे. 

भोसरीत घरफोडीत चोरट्यांनी पळविला 7 लाखांचा ऐवज