बारामतीत पडळकर यांच्याकडून मतदान केंद्रांना भेटी

बारामती शहर (पुणे): विधानसभा निवडणूकीसाठी भाजपचे उमेदवार गोपीचंद पडळकर यांनी आज (सोमवार) बारामती शहरातील विविध मतदान केंद्रांना भेटी देऊन मतदान केंद्राची पाहणी केली.

मतदार अतिशय उत्साहात असून यावर्षी बारामतीत नक्की परिवर्तन होईल, असा विश्वास त्यांनी व्यक्त केला. बारामती विधानसभा मतदारसंघात शांततेत मतदान प्रक्रिया सुरू असून, कोणताही अनुचित प्रकार घडला नसल्याचे त्यांनी सांगितले. शहरातील बालक मंदिर शाळेतील मतदान केंद्रांस त्यांनी भेट दिली. यावेळी त्यांच्यासमवेत प्रशांत नाना सातव कुलभूषण कोकरे आदी उपस्थित होते.