हरवलं कोथरूडमध्ये, सापडलं पंढरपूरात; चोरलेल्या पाकिटाची भन्नाट कथा

wallet lost in Pune found at Pandharpur
wallet lost in Pune found at Pandharpur

पुणे : तीन महिन्यांपूर्वी रघुनाथ कुलकर्णी यांचे पुण्यात हरवलेले पाकीट पंढरपुरात विठ्ठलाच्या दानपेटीत सापडेले आहे. रघुनाथ कुलकर्णी यांनी सांगितले की, पाकिट हरवल्याची तक्रार मी कोणाकडेही केली नव्हती. पंढरपूरच्या विठ्ठलाच्या हुंडी पेटीत ते सापडले. पुन्हा हे पाकीट मिळाल्याने आनंद झाला असल्याचेही त्यांनी सांगितले.

रघुनाथ कुलकर्णी म्हणाले, माझे पाकीट पुणे येथील कोथरुडमध्ये हरवले होते. ते विठ्ठलाच्या हुंडीपेटीत सापडले हा देवाचा महिमाच समजावा लागेल. याबाबत मला मंदिर समिती कर्मचाऱ्यांकडून संपर्क करण्यात आला, त्यानंतर हे पाकिट मला मिळाले.' 

रघुनाथ पुरुषोत्तम कुलकर्णी (रा. औरंगाबाद, सध्या कोथरुड, पुणे) यांचा मुलगा पुणे येथे राहतो. त्यामुळे ते मुलाकडे राहण्यासाठी आले होते. तीन महिन्यापूर्वी त्यांचे पाकीट कोथरुड येथे हरवले होते. त्यामध्ये २ हजार ४१० रुपये, पॅनकार्ड, आधारकार्ड अशी महत्त्वाची कागदपत्रे होती. याबाबत त्यांनी पोलिसात तक्रार दिली नव्हती. तसेच मुलाला देखिल सांगितले नाही. पण, पंढरपुरातील विठ्ठल मंदिरातील हुंडीपेटीतील दान मोजताना त्यांचे पाकीट आढळून आले. मंदिरातील कर्मचारी संभाजी देवकर, तुकाराम कुलकर्णी, विशाल देवकते, मिलिंद माने यांनी संबंधित कागदपत्राच्या आधारे रघुनाथ कुलकर्णी यांचा मोबाईल नंबर शोधून काढला. त्यांच्याशी संपर्क साधून पाकीट व त्याच्यातील वस्तू घेऊन जाण्यास सांगितले, अशी माहिती मंदिर समितीचे लेखापाल सुरेश कदम यांनी दिली.

श्री विठ्ठल-रुक्मिणी मंदिर समितीचे सुरक्षा कर्मचारी नामदेव शीलवंत हे सोमवारी विठ्ठल गाभारा येथे कर्तव्य बजावत होते. त्यावेळी त्यांना दर्शन रांगेमध्ये ९ हजार १३० रुपयांसह पिशवी सापडली. ती पिशवी पुणे येथील भाविक रत्नमाला सतीश जाधव (वय ६४) यांची असल्याची खात्री करुन त्यांना परत देण्यात आल्याचे मंदिर समितीचे कार्यकारी अधिकारी विठ्ठल जोशी यांनी सांगितले. 

अनेक भाविक मंदिरात वस्तू, पैसे विसरतात. त्या वस्तू सापडल्यास मंदिर समितीचे कर्मचारी त्यांना नि:स्वार्थीपणाने परत करतात. त्याच पद्धतीने मंदिराच्या हुंडीपेटीत एक पाकीट सापडले होते. त्याबाबत संबंधित व्यक्तीला संपर्क साधून ते घेऊन जाण्यास सांगितले असल्याचे श्री विठ्ठल-रुक्मिणी मंदिर समितीचे व्यवस्थापक बालाजी पुदलवाड यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com