डिंभे धरणाच्या साठ्यात एकाच दिवसात साडेतीन टक्के वाढ 

घोडेगाव (पुणे) : आंबेगाव तालुक्‍याच्या आदिवासी भागातील भीमाशंकर, आहुपे व पाटण खोऱ्यात दोन दिवस मुसळधार पाऊस पडत आहे. त्यामुळे डिंभे धरण क्षेत्राच्या वरच्या बाजूस बुब्रा व घोड नदी दुथडी भरून वाहत आहेत. भात खाचरे तुडुंब भरली असून, भात लावणीची कामे अंतिम टप्प्यात आहे. डिंभे धरणात 6.56 टीएमसी (52.53 टक्के) पाणीसाठा झाला आहे. 

अरे वा, 95 वर्षांच्या आजीबाईंची कोरोनावर मात 

आंबेगाव तालुक्यात जूनपासून जोरदार पावसाची आवश्‍यकता होती. परंतु, जून ते 10 ऑगस्टपर्यंत पाऊस रिमझिम स्वरूपात पडत होता. धरणात 1 जूनला 24 टक्के पाणीसाठा शिल्लक होता. परंतु, जून व जुलै महिन्यात पावसाने दडी मारली होती. पेरणीयोग्य पाऊस झाला. पण, पाणीसाठा झाला नव्हता. आदिवासी भागात बऱ्यापैकी पाऊस पडल्याने धरणसाठ्यात हळूहळू वाढ होऊन ती 50 टक्‍क्‍यांच्या पुढे गेली आहे. मागील वर्षात योग्य ते नियोजन केल्याने पाणीसाठा शिल्लक राहिला आहे. गेल्या 24 तासात धरणक्षेत्रात 21 मिलिमीटर पाऊस पडल्याची नोंद झाली आहे. पाणीसाठा 3.47 टक्क्यांनी वाढला आहे. 

शेतकऱ्यांसाठी खूशखबर, दौंडमध्ये मुगाचे दिवसाआड लिलाव

भीमाशंकर, आहुपे व पाटण खोऱ्यात 24 तास मुसळधार पाऊस पडत आहे. बुब्रा व घोड नदीला पूर आला आहे. धरणात वेगाने पाणी येत असल्याने पाण्यात वाढ होत आहे. आतापर्यंत धरणक्षेत्रात एकूण 506 मिलिमीटर पाऊस पडल्याची नोंद झाली आहे. तालुक्‍याच्या मध्य व पूर्व भागातही जोरदार पाऊस पडत आहे. घोडेगाव येथे 20 मिलिमीटर, मंचर येथे 4 मिलिमीटर, कळंब येथे  3 मिलिमीटर, पारगाव येथे  3 मिलिमीटर पाऊस पडल्याची नोंद झाली आहे. ओढे-नाले प्रवाहित झाले आहेत. 

भात लावणी 5 हजार 500 हेक्‍टर क्षेत्रापैकी 4500 हजार हेक्‍टर क्षेत्रात झाली आहे. भात लावणीची कामे आठ दिवसांत पूर्ण होतील ,असे कृषी विभागाकडून सांगण्यात आले.