वाघोलीकरांच्या आंदोलनाला यश; पाणीपुरवठा योजनेच्या कामाला सुरुवात

वाघोली (पुणे) : अनेक दिवसांपासून रखडलेल्या वाघोली वाढीव पाणीपुरवठा योजनेच्या कामाला अखेर सुरुवात झाली. वर्षभरात हे काम पूर्ण होणे अपेक्षित आहे. या वाढीव योजनेमुळे पाच एमएलटी पाणी वाघोलीला मिळणार आहे. 

22 कोटी रुपये खर्चून पीएमआरडीए ही योजना साकारणार आहे. निधी मंजूर करून व कामाची वर्क ऑर्डर देऊनही कामाला सुरुवात झाली नव्हती. तीन आठवड्यापूर्वी वाघोलीतील नागरिकांनी पीएमआरडीए  कार्यालयाबाहेर आंदोलन केले होते. तसेच, माजी खासदार शिवाजीराव आढळराव व जिल्हा परिषद सदस्य ज्ञानेश्वर कटके यांनी आयुक्त विक्रमकुमार यांची भेट घेऊन अनेक मागण्या केल्या होत्या. ग्रामपंचायतही पाठपुरवठा करीत होती. अखेर या कामाला आजपासून प्रत्यक्ष सुरुवात झाली. 

पुण्याच्या बातम्या वाचण्यासाठी येथे ► क्लिक करा

वर्षभरात हे काम पूर्ण करण्याचे आश्वासन आयुक्त विक्रम कुमार यांनी दिले आहे. सध्या वाघोलीची जी योजना आहे. त्यातून पूर्वीच्या लोकसंख्येलाच पाणीपुरवठा होतो. यामुळे सोसाट्यांना पाणी विकत घ्यावे लागते. त्याचा मोठा आर्थिक बोझा पडतो. ही योजना कार्यान्वित झाल्यानंतर सर्वांना पाणी मिळणार आहे. यामुळे सोसायटी धारकांचा आर्थिक बोझा कमी होईल. कामाला सुरुवात झाल्यानंतर आज जिल्हा परिषद सदस्य ज्ञानेश्वर कटके, माजी उपसरपंच रामकृष्ण सातव, माजी उपसरपंच संदीप सातव, सुनील जाधवराव, सागर गोरे, गणेश गोगावले, अनिल सातव, मच्छिंद्र सातव उपस्थित होते.