Neelam-Gorhe

पिंपरी परिसरात महिलांवरील वाढते अत्याचार चिंताजनक

पुणे - पिंपळे सौदागर येथील अल्पवयीन मुलीवर अत्याचार करून खून झाल्याची घटना, तसेच पिंपरी- चिंचवड पोलिस आयुक्‍तालयाच्या हद्दीत महिलांवरील अत्याचाराच्या वाढत्या घटनांबाबत विधान परिषदेच्या उपसभापती डॉ. नीलम गोऱ्हे यांनी चिंता व्यक्‍त केली. भविष्यात अशा घटना घडू नयेत, यासाठी पोलिसांनी आवश्‍यक उपाययोजना कराव्यात, असे निर्देश त्यांनी दिले.

अल्पवयीन मुलीवर अत्याचार करून खून झाल्याप्रकरणी डॉ. गोऱ्हे यांनी गुरुवारी पुणे विभागीय आयुक्‍तालयात वरिष्ठ पोलिस अधिकाऱ्यांची बैठक घेतली. या वेळी त्यांनी पिंपरी- चिंचवड पोलिस आयुक्‍तालयाच्या हद्दीतील महिला अत्याचार आणि इतर गुन्ह्यांचा आढावा घेतला. अल्पवयीन मुलीवरील अत्याचारप्रकरणी आरोपींना अटक केली असून, लवकरच आरोपपत्र दाखल करण्यात येईल, असे अतिरिक्त पोलिस आयुक्त रामनाथ पोकळे यांनी सांगितले. पोलिस उपायुक्‍त सुधीर हिरेमठ यांच्यासह इतर अधिकारी या वेळी उपस्थित होते.

पिंपरी- चिंचवड पोलिस आयुक्‍तालयाच्या हद्दीत गेल्या तीन महिन्यांत बलात्काराच्या 40 घटना घडल्या आहेत. या गुन्ह्यांमधील 39 आरोपींना अटक केली आहे, तर 27 खुनाचे गुन्हे दाखल झाले असून, आतापर्यंत 24 आरोपींना अटक करण्यात आली आहे. पोलिसांनी या गुन्ह्यांतील आरोपींना अटक केल्याच्या कामगिरीवर समाधान व्यक्त करतानाच महिलांवर अत्याचाराच्या वाढत्या घटनांबाबत मात्र डॉ. गोऱ्हे यांनी चिंता व्यक्त केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

पिंपरी परिसरात महिलांवरील वाढते अत्याचार चिंताजनक

Related Stories