जिल्हा परिषदेच्या मुख्य कार्यकारी अधिकाऱ्यांचा इंदापूर दौरा; तालुक्यातील कोरोनास्थितीचा घेतला आढावा

इंदापूर - इंदापूर नगरपरिषदआरोग्य सर्वेक्षणाची माहिती मुख्याधिकारी डॉ. प्रदिप ठेंगल यांच्याकडून घेताना जिल्हा परिषदेचे मुख्य कार्यकारी अधिकारी आयुष प्रसाद. सोबत जिल्हा परिषद सदस्य कु. अंकिता पाटील, नगराध्यक्षा अंकिता मुकुंद शहा.
इंदापूर - इंदापूर नगरपरिषदआरोग्य सर्वेक्षणाची माहिती मुख्याधिकारी डॉ. प्रदिप ठेंगल यांच्याकडून घेताना जिल्हा परिषदेचे मुख्य कार्यकारी अधिकारी आयुष प्रसाद. सोबत जिल्हा परिषद सदस्य कु. अंकिता पाटील, नगराध्यक्षा अंकिता मुकुंद शहा.

इंदापूर - जिल्हा परिषदेचे मुख्य कार्यकारी अधिकारी आयुष प्रसाद यांनी इंदापूर नगरपरिषदेचे मुख्याधिकारी डॉ. प्रदिप ठेंगल यांच्या मार्फत शहरात सुरू असलेल्या कोरोना सर्वेक्षण सर्व्हेची माहिती घेवून समाधान व्यक्त केले. माजी सहकार व संसदीय कार्यमंत्री हर्षवर्धन पाटील यांच्या मार्गदर्शनाखाली इंदापूर नगरपरिषद व पंचायत समिती मार्फत सुरू आरोग्य तपासणीची यावेळी त्यांना सविस्तर माहिती देण्यात आली.

- पुण्याच्या बातम्या वाचण्यासाठी येथे ► क्लिक करा

पुणे जिल्हा परिषदेच्या सदस्या कु. अंकिता हर्षवर्धन पाटील, पुणे जिल्हा परिषदेचे मुख्य कार्यकारी अधिकारी आयुष प्रसाद, नगराध्यक्षा सौ. अंकिता मुकुंद शहा, पंचायत समितीचे गटविकास अधिकारी विजयकुमार परीट, नगर परिषद मुख्याधिकारी डॉ. प्रदिप ठेंगल यांच्या समवेत नगरपरिषदेच्या आरोग्य सर्वेक्षणाचा आढावा घेतला. यावेळी अंकिता पाटील यांनी अकील तांबोळी तसेच अमीर इनामदार यांच्या परिवाराची पल्स ऑक्सिमीटर व्दारे तपासणी केली. 

यावेळी डॉ. ठेंगल म्हणाले, पहिल्या टप्प्यात इंदापूर नगरपरिषदेचे आरोग्य कर्मचारी,शिक्षक, आरोग्य सेविका यांनी नागरिकांच्या घरी जावून पल्स ऑक्सीमीटर, थर्मल स्क्रिनिंगच्या सहाय्याने नागरिकांची आरोग्य तपासणी करायलासुरुवात केली आहे. ज्या नागरिकांना कोरोनाची लक्षणे दिसतील, त्यांची इंदापूर तालुका शिक्षण प्रसारक मंडळाच्या वसतिगृहात रँपीड अँटीजन चाचणी घेण्यात येणार आहे. इंदापूर तालुक्यात आजअखेर १४५० कोरोना रुग्ण असून शहरात ३३४ रुग्ण कोरोना बाधीत आढळून आले आहेत.

तालुक्यात कोरोनामुळे ५५, शहरात १८ रुग्णांचा मृत्यू झाला आहे. मागील दोन महिन्यात शहरात जवळपास ५० व्यक्तींचा कोरोनाच्या भीतीने तसेच इतर शारिरीक व्याधीने अचानक मृत्यू झाले आहेत. त्यामुळे नागरिकांनी माहिती न लपवता लक्षणे आढळताच कोरोना चाचणी केली तरच कोरोनावर मात करणे शक्य होईल.

यावेळी मुकुंद शहा, भरत शहा, धनंजय पाटील, कैलास कदम, शकील सय्यद, पै. पांडुरंग शिंदे, जगदीश मोहिते, रमेश धोत्रे, इम्रान जमादार उपस्थित होते.

Edited By - Prashant Patil

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com