सोनू सूदची कार बूथवर जाण्यापासून रोखण्यासाठी जप्त करण्यात आली होती.
Punjab Assembly Election : बॉलीवूड अभिनेता सोनू सूदला (Bollywood actor Sonu Sood) मतदारांवर प्रभाव टाकत असल्याच्या तक्रारींवरून निवडणूक आयोगानं मोगा येथील मतदान केंद्रांवर जाण्यास मज्जाव केलाय. सोनू सूदची बहीण माविका सूद (Mavika Sood) या मोगामधून (Moga) काँग्रेस पक्षाच्या तिकीटावर निवडणूक लढवत आहेत.
अधिकाऱ्यांनी सांगितलं की, रविवारी सोनू सूदची कार बूथवर जाण्यापासून रोखण्यासाठी जप्त करण्यात आली होती. शिरोमणी अकाली दलाचे उमेदवार बरजिंदर सिंग उर्फ माखन ब्रार (Barjinder Singh alias Makhan Brar) यांच्या समर्थकानं केलेल्या तक्रारीनंतर ही बाब समोर आलीय.
मी स्थानिक रहिवासी आहे. मी कोणालाही कोणत्याही विशिष्ट उमेदवाराला किंवा पक्षाला मत देण्यास सांगितलं नाही. मी फक्त आमच्या (काँग्रेस) मतदान केंद्रांच्या बाहेर उभारलेल्या बूथला भेट देत होतो, असं सोनू म्हणाला. दरम्यान, जिल्हा दंडाधिकारी हरीश नय्यर (Harish Nayyar) यांनी मोगाच्या एसएसपींकडून अहवाल मागवल्याचं समजतंय.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.