Gold Loan: सोन्यावर कर्ज हवंय; 'या' पाच बँंका देतायत सर्वात स्वस्त कर्ज, जाणून घ्या दर
Gold Loan Interest Rate: गोल्ड लोन हा इतर कर्जापेक्षा चांगला पर्याय मानला जातो. हे कर्ज एखाद्या व्यक्तीला कमी व्याजदरात जास्त रक्कम देते. तुम्हालाही गोल्ड लोन घ्यायचे असेल तर तुम्ही जवळच्या कोणत्याही बँकेत जाऊन लोन घेऊ शकता. मात्र, यासाठी तुम्हाला बँकेच्या प्रोसेस मधून जावे लागेल.
गोल्ड लोन हे सुरक्षित कर्ज मानले जाते कारण बँका सोन्यासाठी कर्ज खाते ऑफर करतात. असे कर्ज मिळण्यासाठी जास्त वेळ लागत नाही आणि प्रक्रियाही सोपी असते.
बहुतेक बँका आणि वित्तीय बँका कर्जाच्या स्वरूपात सोन्यावर पैसे देतात. कर्ज देणाऱ्या बँका सोन्याचे सध्याचे मूल्यांकन तपासून कर्जाची रक्कम देतात. अशा पाच बँकांची माहिती येथे आहे, ज्या स्वस्त सोने कर्ज देतात.
कोणत्या बँका स्वस्त सोने कर्ज देत आहेत?
HDFC बँक सोन्यावर 7.20 टक्के ते 16.50 टक्के व्याज आकारते आणि प्रक्रिया शुल्क 1 टक्के आहे.
कोटक महिंद्रा बँक सोन्यावर 8% ते 17% व्याज आकारते आणि प्रक्रिया शुल्क 2% + GST आहे.
साऊथ इंडियन बँक 8.25 टक्के ते 19 टक्के व्याज आकारत आहे.
सेंट्रल बँक ऑफ इंडिया 8.45 टक्के ते 8.55 टक्के व्याज आकारत आहे आणि कर्जाच्या 0.5 टक्के प्रक्रिया शुल्क आहे.
फेडरल बँक गोल्ड लोनवर 9.49 टक्के व्याज आकारत आहे.
कर्जाची रक्कम:
कोणतीही बँक सोन्याच्या एकूण रकमेपैकी 75 ते 90 टक्के सोन्यासाठी कर्ज घेणाऱ्या ग्राहकांना देते. तुम्ही तुमच्या गरजेनुसार सोन्यावर कर्ज घेऊ शकता.
कर्जासाठी कोणता कार्यकाळ योग्य:
तुम्ही गोल्ड लोन घेणार असाल, तर तुम्ही तोच कालावधी निवडावा ज्या दरम्यान तुम्ही तुमच्या कर्जाची रक्कम परत करू शकता. यासह, कार्यकाळ देखील EMI नुसार निवडा.
अतिरिक्त शुल्क:
तुम्ही गोल्ड लोन घेणार असाल तर त्या बँकेकडून देण्यात येणारी ऑफर जाणून घ्या. यासोबतच कर्जावर घेतले जाणारे शुल्क इत्यादींचीही माहिती घ्यावी. गोल्ड लोन वापरकर्त्यांना प्रोसेसिंग फी, पेपरवर्क, ईएमआय बाऊन्स, उशीरा पेमेंट इत्यादींबद्दल तपशीलवार माहिती असणे आवश्यक आहे.
हे ही वाचा
