Gold Silver Price on 09 March 2023 : आंतरराष्ट्रीय बाजारात सोन्या-चांदीच्या किंमतीत घट दिसून येत आहे. त्याचा परिणाम आज भारतीय बाजारांवरही दिसून येत असून सुरुवातीच्या टप्प्यात सलग दुसऱ्या दिवशी सोन्या-चांदीच्या दरात घसरण होत आहे.
गुरुवारी म्हणजेच 09 मार्च 2023 रोजी मल्टी कमोडिटी एक्सचेंजवर 24 कॅरेट सोने 54,855 रुपये प्रति 10 ग्रॅमवर उघडले.
यानंतर त्यात थोडीशी घसरण नोंदवण्यात आली असून सकाळी 11 वाजेपर्यंत तो 54,835 रुपये प्रति 10 ग्रॅमवर व्यवहार करत आहे. दुसरीकडे, काल सोन्याचा भाव 54,911 रुपये प्रति 10 ग्रॅमवर बंद झाला.
चांदीच्या दरातही घसरण :
चांदीबद्दल बोलायचे तर 09 मार्च रोजी त्यातही घसरण नोंदवली जात आहे. वायदे बाजारात चांदीचा दर आज 61,900 रुपये प्रति किलोवर उघडला आहे.
यानंतर त्यात आणखी घसरण नोंदवण्यात आली असून सकाळी 11 वाजेपर्यंत तो 61,675 रुपये प्रति किलोवर व्यवहार करत आहे. काल चांदीचा भाव 61,817 रुपये प्रति किलोवर बंद झाला होता.
जाणून घ्या देशातील प्रमुख शहरांमध्ये सोन्या-चांदीचे भाव :
नवी दिल्ली - 22 कॅरेट सोने 51,050 रुपये प्रति 10 ग्रॅम, चांदी 65,450 रुपये प्रति किलो
मुंबई- 22 कॅरेट सोने 50,900 रुपये प्रति 10 ग्रॅम, चांदी 65,450 रुपये प्रति किलो
कोलकाता- 22 कॅरेट सोने 50,900 रुपये प्रति 10 ग्रॅम, चांदी 65,450 रुपये प्रति किलो
चेन्नई- 22 कॅरेट सोने 51,550 रुपये प्रति 10 ग्रॅम, चांदी 67,400 रुपये प्रति किलो
आंतरराष्ट्रीय बाजारात काय स्थिती?
आज आंतरराष्ट्रीय बाजारात, सोने आणि चांदीच्या दोन्ही किंमतींमध्ये घट नोंदवली जात आहे. सोने 0.94 च्या घसरणीसह 1,813.28 डॉलर प्रति औंस वर व्यवहार करत आहे. दुसरीकडे, चांदीमध्ये 0.08 ची घसरण होत आहे आणि ती 20.03 डॉलर प्रति औंसवर व्यवहार करत आहे.
सोन्याची शुद्धता कशी जाणून घ्यावी-
सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं.
बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.
22 आणि 24 कॅरेटमध्ये काय फरक आहे?
24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.