अठरा नक्षलवाद्यांना सुकमामध्ये अटक

अठरा नक्षलवाद्यांना सुकमामध्ये अटक
अठरा नक्षलवाद्यांना सुकमामध्ये अटक

रायपूर - एप्रिल महिन्यात केंद्रीय राखीव पोलिस दलाच्या (सीआरपीएफ) जवानांवर झालेल्या हल्ल्यात सहभागी असलेल्या 18 नक्षलवाद्यांना पोलिसांनी आज अटक केली.

छत्तीसगडमधील नक्षलग्रस्त सुकमा जिल्ह्यात दोन ठिकाणी कारवाई करत पोलिसांनी त्यांना अटक केली आहे. अटक केलेल्या अठरा जणांपैकी पाच म्होरके आहेत. यातील काही जणांनी 2013 मध्येही पोलिसांच्या गस्ती पथकावर हल्ला केला होता. आज या सर्वांना स्थानिक न्यायालयात हजर केले असता त्यांना न्यायालयीन कोठडी सुनावण्यात आली. आजच्या कारवाईमुळे या प्रकरणी अटक केलेल्यांची संख्या 47 झाली आहे. 24 एप्रिलला सीआरपीएफच्या 74 व्या बटालियनवर झालेल्या हल्ल्यात 25 जवान हुतात्मा झाले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com