आजचे राशिभविष्य आणि पंचांग - 01 जून 2021

पंचांग -

मंगळवार : वैशाख कृष्ण ७, चंद्रनक्षत्र धनिष्ठा, चंद्रराशी कुंभ, चंद्रोदय रात्री १२.४९, चंद्रास्त सकाळी ११.४१, सूर्योदय ५.५८, सूर्यास्त ७.०६, भारतीय सौर ज्येष्ठ ११ शके १९४३.

दिनविशेष -

1872 : ‘चाफा बोलेना’ या कवितेमुळे लोकप्रिय झालेले कवी ‘बी’ यांचा जन्म. त्यांचे मूळ नाव नारायण मुरलीधर गुप्ते.

1929 : भारतीय चित्रपटसृष्टीचा इतिहास घडविणारी महाराष्ट्रातील चित्रपटनिर्मिती संस्था, मराठी चित्रपटसृष्टीचा सुवर्णकाळ मानल्या जाणाऱ्या ‘प्रभात फिल्म कंपनी’ची कोल्हापूर येथे स्थापना.

1948 : रस्ता वाहतूक सेवेचे राष्ट्रीयीकरण होऊन स्थापन झालेल्या राज्य परिवहन महामंडळाची (एसटी) पहिली बस ‘पुणे ते नगर’ या प्रवासासाठी रवाना झाली.

1998 : ज्येष्ठ साहित्यिक व दुर्गप्रेमी गो. नी. दांडेकर यांचे निधन.

2000 : हास्यविनोदाचे एकपात्री कार्यक्रम रंगविणारे प्रसिद्ध कलाकार मधुकर महादेव टिल्लू यांचे निधन.

दिनमान -

मेष : मित्रमैत्रिणींचा सहवास लाभेल. महत्त्वाचे निर्णय अभ्यास करून नंतरच घ्यावेत.

वृषभ : मानसिक प्रसन्नता लाभेल. सार्वजनिक क्षेत्रात संधी लाभेल.

मिथुन : जिद्द व चिकाटी वाढेल. हाती घेतलेल्या कामात सुयश लाभेल.

कर्क : काहींना कौटुंबिक चिंता लागून राहील. तुमच्या व्यक्तिमत्त्वाचा प्रभाव राहील.

सिंह : दैनंदिन कामे मार्गी लागतील. जोडीदाराची अपेक्षित साथ लाभेल.

कन्या : काहींचा मनोरंजनाकडे कल राहील. हितशत्रूंवर मात कराल.

तूळ : महत्त्वाची कामे मार्गी लावू शकाल. मित्रमैत्रिणींचे सहकार्य लाभेल.

वृश्‍चिक : गुंतवणुकीचे नवीन प्रस्ताव येतील. आर्थिक लाभाचे प्रमाण वाढेल.

धनू : हाती घेतलेल्या कामात सुयश लाभेल. नातेवाइकांचे सहकार्य लाभेल.

मकर : काहींना अचानक धनलाभाची शक्यता आहे. आर्थिक सुयश लाभेल.

कुंभ : आरोग्य उत्तम राहील. मनोबल वाढेल. जिद्द व चिकाटी वाढेल.

मीन : काहींना प्रकृतीच्या तक्रारी जाणवतील. मानसिक अस्वस्थता जाणवेल.