आजचे राशिभविष्य आणि पंचांग : १७ जुलै

पंचांग -
शुक्रवार - आषाढ कृ. १२, चंद्रनक्षत्र रोहिणी, चंद्रराशी वृषभ, सूर्योदय ६.०९, सूर्यास्त ७.१५, चंद्रोदय रा. २.५०, चंद्रास्त दु. ४.२२, भारतीय सौर २६, शके १९४२.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

दिनविशेष -
१९४७ - सकाळी आठ वाजता मुंबईहून रेवसकडे निघालेले ‘रामदास’ नावाचे जहाज वादळी हवेमुळे अवघ्या दोन तासांच्या आत धरमतर ते मुंबईदरम्यान बुडाले. त्याआधी वीस वर्षांपूर्वी कोकण किनाऱ्यावरच ‘तुकाराम’ व ‘जयंती’ ही दोन जहाजे बुडाल्यानंतर इतका मोठा जहाजाचा अपघात झाला नव्हता.
१९८९ - पानशेत धरणफुटीच्या चौकशीमुळे गाजलेले न्यायमूर्ती वि. अ. नाईक यांचे निधन. 
१९९२ - बंगाली व हिंदी चित्रपटसृष्टीमध्ये १९३० ते १९५० ही दोन दशकं अमर करणारी गायिका अभिनेत्री काननदेवी यांचे निधन. त्यांना दादासाहेब फाळके पुरस्काराने गौरविण्यात आले होते.
१९९२ - ‘प्रभात’च्या ‘माणूस’ चित्रपटामुळे गाजलेल्या अभिनेत्री शांता हुबळीकर यांचे निधन.पुणे महापालिकेतर्फे त्यांना ‘बालगंधर्व पुरस्कार’ देण्यात आला होता. 
१९९३ - तेलगू भाषेतील प्रतिष्ठेचा मानला जाणारा ‘तेलगूथल्ली’ हा सर्वोच्च पुरस्कार ज्येष्ठ विचारवंत तर्कतीर्थ लक्ष्मणशास्त्री जोशी यांना प्रदान.
१९९५ - हिंदी चित्रपटसृष्टीतील ज्येष्ठ व नामवंत अभिनेते दिलीपकुमार यांना राष्ट्रपती डॉ. शंकरदयाळ शर्मा यांच्या हस्ते दादासाहेब फाळके पुरस्कार प्रदान.
२००१ - ज्येष्ठ नाट्यसमीक्षक वा. य. गाडगीळ यांचे निधन. 

दिनमान -
मेष : उधारी, उसनवारी वसूल होईल. व्यवसायात धाडस करायला हरकत नाही.
वृषभ : तुमची पावले योग्य मार्गावरून सुरू आहेत. एखादी भाग्यकारक घटना घडेल.
मिथुन : महत्त्वाची कामे पुढे ढकलावीत. आर्थिक क्षेत्रात अडचणी जाणवतील.
कर्क : आगामी काही महिन्यांचे नियोजन करण्यास दिवस चांगला आहे. अनेकांचे सहकार्य लाभेल.
सिंह : तुमच्या व्यक्‍तिमत्त्वाचा प्रभाव पडेल. शासकीय कामे पुढे ढकलावीत.
कन्या : सर्व क्षेत्रात यश लाभणार आहे. जबाबदारी वाढेल.
तुळ : मनोबल व आत्मविश्‍वास वाढेल. व्यवसायात धाडस नको.
वृश्‍चिक : कौटुंबिक जीवनात चांगली घटना घडेल. पत्नीचा सल्ला लाभदायक ठरेल.
धनु : धार्मिक कार्यात दानधर्म कराल. वस्तू गहाळ होणार नाहीत याची दक्षता घ्यावी.
मकर : तुमच्या कार्यक्षेत्रात यश लाभेल. जबाबदारी वाढणार आहे.
कुंभ : प्रॉपर्टीच्या क्षेत्रात यश लाभेल. आर्थिक प्रगती वेगाने होणार आहे.
मीन : प्रवासाचे योग येतील. नातेवाईकांचा सल्ला लाभदायक ठरेल.

Edited By - Prashant Patil