आजचे राशिभविष्य आणि पंचांग - 24 जून 2021

पंचांग -

गुरुवार : ज्येष्ठ शुद्ध १५, चंद्रनक्षत्र ज्येष्ठा, चंद्रराशी वृश्चिक/धनू, चंद्रोदय सायंकाळी ७, चंद्रास्त सकाळी ६.३५, सूर्योदय ६.०१, सूर्यास्त ७.१३, ज्येष्ठ पौर्णिमा, वटपौर्णिमा, वृषभ पूजन (कारहुणवी), मन्वादी, कुलधर्म, अन्वाधान, पौर्णिमा समाप्ती रात्री १२.१०, भारतीय सौर आषाढ ३ शके १९४३.

दिनविशेष -

१८९७ : प्रसिद्ध गायक, संगीत क्षेत्रातील एक अभ्यासक, कलावंत, पंडित ओंकारनाथ ठाकूर यांचा जन्म. त्यांना १९५५ मध्ये ‘पद्मश्री’ सन्मानाने सन्मानित करण्यात आले होते.

१८९९ : क्रांतिवादी बंगाली मुस्लिम कवी आणि हिंदू-मुस्लिम ऐक्‍याचे प्रभावी समर्थक कवी काझी नझरुल इस्लाम यांचा जन्म. त्यांनी दोन हजारांहून अधिक भावगीते नवनवीन छंदांत रचली. भारताच्या फाळणीचे ते विरोधक होते.

१९८० : माजी राष्ट्रपती व्ही.व्ही.गिरी यांचे निधन. त्यांना ‘भारतरत्न’ पुरस्काराने गौरविण्यात आले.

१९९६ : अलिगड मुस्लिम विद्यापीठातील प्राध्यापक डॉ. मोहंमद शरीफ यांना अलाहाबाद विद्यापीठातर्फे संस्कृतमधील डी.लिट पदवी प्रदान.

१९९६ : ‘न्यू दिल्ली टेलिव्हिजन’मध्ये महत्त्वाची जबाबदारी पार पाडणारे नामवंत पत्रकार अप्पन मेनन यांचे निधन.

१९९७ : आंतरराष्ट्रीय कीर्तीच्या ओडिसी नर्तिका संयुक्ता पाणिग्रही यांचे निधन.

१९९८ : ज्येष्ठ अभिनेते चंद्रकांत मांडरे यांना अखिल भारतीय मराठी चित्रपट महामंडळाचा ‘चित्रभूषण पुरस्कार’ जाहीर.

दिनमान -

मेष : गुरूकृपा लाभेल. आर्थिक सुयश लाभेल. जिद्द व चिकाटी वाढेल.

वृषभ : आरोग्याच्या तक्रारी जाणवतील. काहींना कामाचा ताण व दगदग जाणवेल.

मिथुन : तुमचा इतरांवर प्रभाव राहील. हाती घेतलेल्या कामात सुयश लाभेल.

कर्क : खर्चाचे प्रमाण वाढेल. कर्मचारी वर्गाचे सहकार्य लाभेल.

सिंह : संततिसौख्य लाभेल. जोडीदाराची अपेक्षित साथ लाभेल.

कन्या : प्रॉपर्टीची कामे मार्गी लागतील. शासकीय कामे मार्गी लागतील.

तुळ : जिद्दीने कार्यरत राहाल. नातेवाईकांच्या गाठीभेटी होतील.

वृश्‍चिक : अचानक लाभाची शक्यता आहे. व्यवसायात नवीन तंत्र आणाल.

धनु : आरोग्य उत्तम राहील. मानसिक स्वास्थ्य लाभेल.कामात सुयश लाभेल.

मकर : वाहने सावकाश चालवावीत. कर्मचारी वर्गाचे सहकार्य लाभेल.

कुंभ : आर्थिक सुयश लाभेल. नवीन हितसंबंध निर्माण करू शकाल.

मीन : प्रतिष्ठा व मानसन्मान लाभेल. नोकरीत समाधानकारक स्थिती राहील.