8 नोव्हेंबरच्या मध्यरात्रीपासून 500 आणि 1000 रुपयांच्या नोटा चलनातून रद्द होणार. सध्या असलेल्या 500-1000 च्या नोटा 30 डिसेंबरपर्यंत बॅंकेत जमा करण्याची मुदत असेल. पुढील दोन दिवस बॅंका व्यवहारासाठी बंद ठेवणार. 9 आणि 10 नोव्हेंबर रोजी एटीएमही बंद राहणार.
एकावेळी बॅंकेतून चार हजार रुपयांच्या जुन्या नोटा बदलून मिळणार. एका आठवड्यात तुमच्या खात्यातून 20 हजार रुपयेच काढता येणार. एटीएममधून रोज दोन हजार रुपयेच काढता येणार.
9 नोव्हेंबर
बॅंकांसाठी रिझर्व्ह बॅंकेने मार्गदर्शक सूचना प्रसिद्ध केल्या.
100 रुपयांच्या नोटा एटीएममध्ये उपलब्ध होतील, याची काळजी घेण्याची रिझर्व्ह बॅंकेची सूचना.
10 नोव्हेंबर
12 आणि 13 नोव्हेंबर रोजी इलेक्‍ट्रॉनिक ट्रान्सफरची सुविधा चालू राहणार
11 नोव्हेंबर
जुन्या नोटा बदली करतानाच्या सर्व नोंदी ठेवणे आणि त्याची माहिती रिझर्व्ह बॅंकेला देण्याच्या सर्व बॅंकांना सूचना.
लेखी मागणी केल्यानंतर आणि बॅंकेच्या अधिकाऱ्याच्या निर्णयानुसार एका वेळी बॅंकेतून 10 हजार रुपये काढण्याची परवानगी.
12 नोव्हेंबर
रोखीव्यतिरिक्त इतर पर्याय वापरण्याचे रिझर्व्ह बॅंकेचे आवाहन
13 नोव्हेंबर
जुन्या नोटा बदलण्याची मर्यादा चार हजारांवरून 4,500 केली. एटीएममध्ये 2,500 आणि आठवड्याला 24 हजार रुपये काढता येणार
ज्येष्ठ नागरिक आणि दिव्यांगांसाठी बॅंकेत स्वतंत्र व्यवस्था करण्याची सूचना.
14 नोव्हेंबर
10 नोव्हेंबर ते 30 डिसेंबर या कालावधीतील एटीएम व्यवहारांवरील शुल्क रद्द करण्याची सूचना.
करंट अकाऊंट असलेल्या खातेदारांना एका आठवड्यात 50 हजार रुपये काढण्याची मुभा.
बॅंकेचे जाळे नसलेल्या भागांत जुन्या नोटा बदलून देणे, पैसे भरणे आणि पैसे काढण्यासाठी मोबाईल व्हॅनची सोय करण्याची सूचना
15 नोव्हेंबर
बॅंकेत जुन्या नोटा भरल्या, की ग्राहकाच्या बोटाला शाई लावण्याचा आदेश.
16 नोव्हेंबर
बॅंकेच्या खात्यास 'पॅन' जोडला नसेल आणि त्या खात्यात 50 हजार रुपयांपेक्षा जास्त रक्कम जमा केली जात असेल, तर त्या खातेदाराचा 'पॅन' घेण्याच्या सूचना.
17 नोव्हेंबर
बॅंकेत जुन्या नोटा बदलून घेण्याची मर्यादा दोन हजार रुपये केली.
20 नोव्हेंबर
एटीएममधून एकावेळी 2,500 रुपये काढण्याच्या निर्णयाचा फेरविचार करण्यास नकार.
21 नोव्हेंबर
शेतकऱ्यांना एका आठवड्यात 25 हजार रुपये काढण्याची मुभा
23 नोव्हेंबर
अल्प मुदतीच्या बचत योजनांमध्ये जुन्या नोटा न स्वीकारण्याची सूचना.
24 नोव्हेंबर
बॅंकांमधून जुन्या नोटा बदलून घेण्याची सुविधा बंद.
25 नोव्हेंबर
भारतात पर्यटनासाठी आलेल्या परदेशी पर्यटकांना एका आठवड्यात पाच हजार रुपये काढण्याची परवानगी.
30 नोव्हेंबर
जन-धन योजनेंतर्गत उघडलेल्या खात्यांमधून दरमहा 10 हजार रुपये काढण्याची मर्यादा.
12 डिसेंबर
बॅंकेत जमा झालेल्या जुन्या नोटांमधून आलेल्या बनावट नोटांची माहिती देण्याच्या सूचना.
10 नोव्हेंबर ते 30 डिसेंबर या कालावधीतील प्रत्येक बॅंकेच्या प्रत्येक शाखेनुसार जमा झालेल्या बनावट नोटांचीही माहिती देण्याच्या सूचना.
13 डिसेंबर
बॅंक आणि करन्सी चेस्टमधील सीसीटीव्ही फुटेज जतन करण्याच्या बॅंकांना सूचना.
15 डिसेंबर
एखाद्या खात्यात पाच लाख रुपयांपेक्षा अधिक शिल्लक असेल आणि 9 नोव्हेंबरनंतर दोन लाख रुपयांपेक्षा अधिक रक्कम जमा झाली असेल, तर त्या खात्यातील रक्कम काढण्यावर मर्यादा.
17 डिसेंबर
डेबिट कार्डाद्वारे दिलेल्या रक्कमेवर 'मर्चंट डिस्काऊंट रेट' रद्द करण्याचा निर्णय.
मोबाईल फोन आणि इंटरनेटद्वारे छोट्या रकमेच्या व्यवहारांवर 1 जानेवारी ते 31 मार्चपर्यंत अतिरिक्त चार्ज नाही.
19 डिसेंबर
जुन्या नोटांद्वारे पाच हजार रुपयांपेक्षा जास्त रक्कम खात्यात भरण्यावर मर्यादा. ही रक्कम 31 डिसेंबरपर्यंतच खात्यात भरता येणार.
21 डिसेंबर :
जुन्या नोटांद्वारे पाच हजार रुपयांपेक्षा जास्त रक्कम खात्यात भरण्यावर असलेली मर्यादा काढून टाकली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
