जाणून घ्या आजचे भविष्य आणि पंचांग : 18 सप्टेंबर

दिनांक : 18 सप्टेंबर 2019 : वार : बुधवार 
आजचे दिनमान 

मेष : मन:स्थिती चांगली राहिली तरी आता यश दूर राहणार आहे. फक्‍त आरोग्य चांगले राहणार आहे. कर्मचारी वर्गाचे सहकार्य लाभणार नाही. 

वृषभ : नातेवाइकांबरोबर मतभेदाची शक्‍यता आहे. आरोग्य चांगले राहील. लोकांचे सहकार्य चांगले मिळणार आहे. 

मिथुन : गुंतवणुकीला चांगले आहे. अनेकांची मदत मिळेल. तुमचा जनसंपर्क वाढणार आहे. 

कर्क : प्रवासाचे योग येतील. काहींना तीर्थयात्रेचे योग येतील. इतरांना तुम्ही योग्य मार्गदर्शन करू शकाल. 

सिंह : आर्थिक क्षेत्रात सध्या चांगले वातावरण आहे. या ग्रहस्थितीचा फायदा करून घ्यावा. उधारी, उसनवारी वसूल होईल. 

कन्या : तुमच्या व्यक्‍तिमत्त्वाचा प्रभाव पडेल. मनोबल वाढेल. कौटुंबिक जीवनात सौख्य लाभेल. 

तूळ : महत्त्वाचे निर्णय घेताना खूपच काळजी घ्यावी लागणार आहे. फक्‍त आर्थिक क्षेत्रात समाधानकारक स्थिती राहील. अकारण खर्च वाढतील. 

वृश्‍चिक : तुम्हाला ग्रहमान अनुकूल आहे. कर्ज प्रकरणे मंजूर होतील. शेअर्समध्ये, व्यवसायात धाडस करायला हरकत नाही. 

धनू : प्रगती वेगाने होत राहील. अनुकूल ग्रहांचा फायदा करून घ्यावा. व्यवसायात तुम्हाला लक्षणीय यश मिळणार आहे. 

मकर : सामाजिक कार्यात, शैक्षणिक कार्यात यश लाभेल. नवी दिशा, नवा मार्ग दिसेल. अनेकांशी सुसंवाद साधाल. 

कुंभ : ग्रहमान प्रतिकूल झाले आहे. केवळ मनोबलाच्या जोरावर कामे कराल. सध्या कोणाचीही साथ लाभणार नाही. 

मीन : मीन व्यक्‍तींना ग्रहमान अनुकूल आहे. आरोग्य चांगले राहील. तुमचे निर्णय अचूक ठरतील. 

पंचांग 18 सप्टेंबर 2019 
बुधवार : भाद्रपद कृष्ण 4, चंद्रनक्षत्र अश्‍विनी, चंद्रराशी मेष, सूर्योदय 6.25, सूर्यास्त 6.35, चंद्रोदय रात्री 9.21, चंद्रास्त सकाळी 9.35, भरणी श्राद्ध, चतुर्थी श्राद्ध, भारतीय सौर भाद्रपद 27, शके 1941.