प्रजासत्ताक दिनाविषयी हे ठाऊक आहे का?

प्रजासत्ताक दिन हा देशाच्या लोकशाहीचा एक मोठा सोहळा आहे. प्रजासत्ताक दिनासंदर्भात काही रंजक गोष्टी तुम्हाला ठाऊक आहेत का? 

• भारताची राज्यघटना 26 जानेवारी, 1950 रोजी सकाळी 10.18 वाजता अंमलात आली. त्यानंतर भारत हे प्रजासत्ताक राज्य झाले. 
• राज्यघटना 26 जानेवारी रोजीच अंमलात आणण्यात आली, यामागेही इतिहास आहे. 26 जानेवारी, 1930 रोजी पूर्ण स्वराज्याची मागणी करण्यात आली होती. 
• भारतीय राज्यघटना ही जगातील सर्वांत मोठी लिखित घटना आहे. 
• भारतीय राज्यघटनेचे शिल्पकार डॉ. बाबासाहेब आंबेडकर होते. राज्यघटना तयार होण्यासाठी दोन वर्षे, 11 महिने आणि 18 दिवस इतका कालावधी लागला. 
• भारतीय राज्यघटनेच्या दोन प्रती हस्तलिखित आहेत. त्यापैकी एक इंग्रजीमध्ये आणि एक हिंदीमध्ये आहे. 
• राज्यघटनेच्या दोन्ही हस्तलिखित प्रतिंवर तत्कालीन सर्व संसद सदस्यांच्या (308) सह्या आहेत. 
• 'जन गण मन' या गीतावर भारताचे राष्ट्रगीत म्हणून 24 जानेवारी, 1950 रोजी शिक्कामोर्तब करण्यात आले. 
• 'जन गण मन'चे लेखन आणि चाल रविंद्रनाथ टागोर यांनी 1911 मध्ये तयार केली होती. 
• 'जन गण मन'चे प्रथम समूहगायन कोलकत्यामध्ये 27 डिसेंबर, 1911 रोजी कॉंग्रेसच्या बैठकीत झाले होते.