डाएट न करणे, हेच डाएट!

diana-penty
diana-penty

स्लिम फिट - डायना पेंटी
मला फिटनेस ठेवायला आवडत असला, तरी जिमला रोज जाणे पसंत नाही. त्यामुळे मी शक्यतो घरीच व्यायाम करते. शरीर तंदुरुस्त आणि चांगल्या शेपमध्ये राहण्यासाठी मी पहिली पसंती योगासनांना देते. नौकासन हे माझे आवडते आसन आहे. यामुळे पोटावरील चरबी कमी होणे, तसेच रक्ताभिसरण सुधारण्याची प्रक्रिया होते. अनेक जण जिममध्ये जाऊन व्यायाम करतात, पण मला तेच प्रकार सोप्या पद्धतीने करायला आवडतात. त्यामुळे मी घरच्या घरीच व्यायाम करते. फुल बॉडी रोल अप्स, बायसिकल क्रंचेस, डबल लेग स्ट्रेचेस असे अनेक प्रकार शरीरातील विविध भाग तंदुरुस्त राहण्यासाठी करत असते.

कार्डिओ करण्याऐवजी मी डान्स करते. दररोज अर्धा तास आणि आठवड्यातून दोनदा एक तास मी कथक नृत्य करते. यामुळे कार्डिओची कमतरता भरून निघते. 

मी फुडी असल्याने माझ्यासाठी डाएट न करणे हेच खरे डाएट आहे. मला जे-जे खावेसे वाटते ते सगळे मी खाते. फक्त हे सर्व प्रमाणात खाल्ले जाईल याकडे मी लक्ष देते. मी माझ्या दिवसाची सुरवात एक वाडगाभर फळे खाऊन करते. यामध्ये मुख्यतः पपई, सफरचंद, पेर, चिकू आदींचा समावेश असतो. त्यानंतर तासाभराने मी ब्राऊन ब्रेडसोबत अंडे खाते. मी भातप्रेमी आहे.

त्यामुळे भात खाल्ल्याशिवाय मी राहूच शकत नाही. दुपारच्या जेवणात पांढऱ्या भाताऐवजी मी ब्राऊन राईस खाते. त्याबरोबर मी डाळ, चिकन किंवा फिश करी खाते, तसेच हिरव्या भाज्याही खाते. मी डेझर्ट खाणेही चुकवत नाही. मला चॉकलेट्स खूप आवडतात आणि ते मी खाते. ग्रीन टी घेणे मी कधीही चुकवत नाही. कारण यामुळे वजन तर कमी होतेच, त्याचबरोबर तुमची स्ट्रेंथही वाढते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com