Satara Corona Update : ‘नवोदय’मध्ये कोरोनाचा शिरकाव | Sakal
sakal

बोलून बातमी शोधा

Corona
सातारा : ‘नवोदय’मध्ये कोरोनाचा शिरकाव

सातारा : 'नवोदय’मध्ये कोरोनाचा शिरकाव

सातारा : जवाहर नवोदय विद्यालयातील सुमारे २० ते २५ विद्यार्थ्यांना मागील आठवड्यात कोरोनाची लागण झाली. या विद्यार्थ्यांवर गृहविलगीकरणात उपचार करण्यात येत आहेत. या मुलांच्या संपर्कात आलेले सुमारे दहा शिक्षकही बाधित आढळले आहेत. ही बाब गांभीर्याने घेत जिल्हाधिकाऱ्यांनी बाधित नसलेल्या विद्यार्थ्यांना पालकांनी घरी घेऊन जाण्याचा पर्याय ठेवला आहे. या विद्यार्थ्यांवर आरोग्य यंत्रणेच्या माध्यमातून लक्ष ठेऊन उपचार केले जात असल्याचे जिल्हाधिकाऱ्यांनी सांगितले.

हेही वाचा: शेती उत्पन्न बाजार समितीच्या २९ कर्मचाऱ्यांची सेवा अधांतरीच

मध्यंतरीच्या काळात कोरोनाचा आकडा वाढू लागल्याने राज्य शासनाने १५ फेब्रुवारीपर्यंत सर्व शाळा, महाविद्यालये बंद ठेवली होती; पण जवाहर नवोदय विद्यालय हे निवासी असल्याने तेथील विद्यार्थी शाळेतच निवासी शिक्षण घेत आहेत. मागील आठवड्यात काही विद्यार्थ्यांना कोरोनासदृश लक्षणे जाणवू लागल्याने कोरोना चाचणी करण्यात आली. त्यामध्ये काही विद्यार्थी बाधित आढळले. त्यानंतर बाधित विद्यार्थ्यांचे गृहविलगीकरण करण्यात आले आहे. लक्षणांनुसार त्यांच्यावर उपचार केले जात असल्याचे जिल्हा शल्यचिकित्सक व जिल्हाधिकारी कार्यालयातून सांगण्यात आले. शाळेतील शिक्षकांचीही चाचणी करण्यात आली. यामध्ये नऊ ते दहा शिक्षक बाधित आढळले. त्यामुळे या शिक्षकांचे विलगीकरण करून त्यांच्यावर उपचार करण्यात येत आहेत.

हेही वाचा: प्रजासत्ताक दिनाच्या पूर्वसंध्येला तरूणांनी संतभूमीचा लौकिक वाढविला

यासंदर्भात जिल्हाधिकारी शेखर सिंह यांच्याशी संपर्क साधला असता ते म्हणाले, ‘‘नवोदय विद्यालयाची काही मुले बाधित आढळली होती. त्यानंतर त्यांचे तातडीने गृहविलगीकरण केले आहे. जे विद्यार्थी बाधित नाहीत, त्यांच्या पालकांना मुलांना घरी घेऊन जाण्याचा पर्याय ठेवला आहे.’’

मुलांच्या शिक्षणावर परिणाम होत असल्याने येथील नववी, दहावी, बारावीच्या विद्यार्थ्यांना निवासी ठेवण्यास परवानगी दिली आहे. मुले एकत्र राहात असल्याने बाधितांचा आकडा जास्त वाटत आहे; पण तशी गंभीर परिस्थिती नाही. त्यामुळे पालकांनी घाबरून जाऊ नये.

- शेखर सिंह, जिल्हाधिकारी

Web Title: Corona Navodaya Ten Teachers Home Isolation

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top