Diwali Festival 2020 दिव्यांगांच्या आकाश कंदिलांनी वाई उजळली!

वाई (जि. सातारा) : पंचायत समितीच्या समावेशित शिक्षण विभागाच्या मार्गदर्शनाखाली दिव्यांग विद्यार्थ्यांनी आकर्षक आकाश कंदिलांची निर्मिती केली. विद्यार्थ्यांनी तयार केलेले आकाश कंदील पंचायत समितीच्या सभापती संगीता चव्हाण, उपसभापती विक्रांत डोंगरे, सदस्य मधुकर भोसले, गटविकास अधिकारी उदयकुमार कुसुरकर यांना देण्यात आले. 

अश्विनी जमदाडे, वसुधा जाधवराव, राहुल खडसरे, सारिका भुजबळ, नीता गायकवाड, मयुरा जोशी, उज्ज्वला आवटे यांनी तालुक्‍यातील दिव्यांग विद्यार्थ्यांकडून आकाश कंदील व दिवाळी किट बनवून घेतले. विद्यार्थ्यांमध्ये कौशल्य विकास घडवून आणून, त्यांना स्वावलंबी बनविण्यासाठी केलेले प्रयत्न कौतुकास्पद असल्याचे मत सभापती व उपसभापती यांनी या वेळी व्यक्त केले. 

आधी अडचणी दूर करा; त्यानंतरच शाळा सुरु करु : राज्य शिक्षण संस्था महामंडळाचा पवित्रा

विद्यार्थ्यांनी तयार केलेले दिवाळी किट खरेदी करून पदाधिकाऱ्यांनी त्यांना प्रोत्साहन दिले. विद्यार्थ्यांना नवनिर्मितीची प्रेरणा मिळण्याबरोबरच त्यांचा आत्मविश्वास या उपक्रमामुळे वाढत असल्याचे प्रास्ताविकात गटशिक्षणाधिकारी सुधीर महामुनी यांनी सांगितले. याप्रसंगी संजय कांबळे, शिक्षण विस्तार अधिकारी विष्णू मेमाणे, साईनाथ वाळेकर आदी उपस्थित होते. 

संपादन : बाळकृष्ण मधाळे