Gram Panchayat Election कोणाची जिरणार, कोण तरणार; माण तालुक्यात उत्सुकता

सिद्धार्थ लाटकर
Sunday, 17 January 2021

ग्रामपंचायत निवडणूक २०२१ च्या पार्श्वभूमीवर प्रांताधिकारी शैलेश सूर्यंवंशी, उपविभागीय दंडाधिकारी माण खटाव यांच्या आदेशानुसार दहिवडी शहरात संचारबंदी लागू करण्यात आली. सोमवारचा आठवडी बाजार रद्द करण्यात आला आहे. साेमवारी दहिवडी येथील शासकीय गोदामात सकाळी आठ वाजता होत आहे.

सातारा : माण तालुक्यात झालेल्या ४७ ग्रामपंचायतींच्या (Gram Panchayat Election) मतदानाची मतमोजणी सोमवारी दहिवडी येथील शासकीय गोदामात सकाळी आठ वाजता होणार आहे. या तालुक्यात सर्वांनाच आता निकालाची उत्सुकता लागलेली आहे. मतांची वाढलेली टक्केवारी कोणाची जिरवणार व कोणाला तारणार याची चर्चा गावा गावांत रंगू लागली आहे.

माण तालुक्यात ६१ ग्रामपंचायतींपैकी १४ ग्रामपंचायती बिनविरोध झाल्या आहेत. इतर ४७ ग्रामपंचायतींसाठी ५२९ उमेदवार निवडून जाणार आहेत. त्यापैकी १९३ जण बिनविरोध निवडून आले आहेत. झाशी येथील एक जागा रिक्त राहिली आहे. त्यामुळे ३३६ जागांसाठी ७२४ उमेदवार निवडणुकीस सामाेरे गेले आहेत. दरम्यान ४७ गावांसाठी १४७ मतदान केंद्रे होती. यासाठी ७३५ कर्मचारी १०० राखीव कर्मचारी सात झोनल ऑफिसर यांनी निवडणूक प्रक्रिया पुर्ण केली आहे. या तालुक्यात ७५ हजार ५६२ पैकी ६० हजार २२४ मतदारांनी मतदानाचा हक्क बजावला. तर टपाली मतदानही यावेळी झाले. यामध्ये २१२ जणांनी आपला हक्क बजावला.

लोणंदला चिकन विक्री, कोंबड्यांचा आठवडा बाजार बंद

पहिल्या फेरीमध्ये हिंगणी, पिंगळी खुर्द, शिरवली, पानवण, मोगराळे. दुसऱ्या फेरीमध्ये पिंगळी बुद्रुक, कारखेल, राणंद, सोकासन. तिसऱ्या फेरीमध्ये पळसावडे, देवापूर, रांजणी, बोडके, गटेवाडी, गोंदवले खुर्द. चौथ्या फेरीत वरकुटे-म्हसवड, शिंदी बुद्रुक, ढाकणी, हस्तनपूर, राजवडी. पाचव्या फेरीमध्ये काळचौंडी, शेनवडी, धामणी, वडजल, वळई. सहाव्या फेरीत किरकसाल, वाघमोडेवाडी, वारुगड, श्रीपालवण, भांडवली. सातव्या फेरीत पर्यंती, शंभुखेड, कुळकजाई, शिंदी खुर्द, येळेवाडी, पिंपरी. आठव्या फेरीत बोथे, कुकडवाड, वडगाव. नवव्या फेरीत गोंदवले बुद्रुक, जांभुळणी. दहाव्या फेरीत शिंगणापूर, शेवरी, डंगीरेवाडी, खडकी तर अकराव्या फेरीत भालवडी, दिवडी अशी मतमोजणी होणार आहे. दुपारी तीनपर्यंत संपूर्ण निकाल लागेल अशी शक्यता वर्तवली जात आहे.

शरद पवारांचे 'आत्मचरित्र' हेच कृषीनिती म्हणून लागू केले, तरी देशातील शेतकऱ्यांचा प्रश्न बऱ्यापैकी सुटेल.

Edited By : Siddharth Latkar


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Gram Panchayat Election Mann Voting Counting On Monday Satara Marathi News