- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
कऱ्हाड (जि. सातारा) : कोरोनाच्या पार्श्वभूमीवर सरकारने दोन दिवस लागू केलेल्या संचारबंदीच्या पार्श्वभूमीवर शहरात काल रात्री आठ वाजल्यापासूनच सन्नाटा पसरला. पोलिसांनी आवश्यक त्या उपाययोजना करुन लोकांना घरात बसण्याच्या केलेल्या सरकारच्या आवाहनाला शहरासह तालुक्यातील अनेक गावांनी प्रतिसाद दिला. विनाकारण शहरात फिरणाऱ्यांना पोलिसांनी पोलिसी हिसका दाखवला. शहरातील रस्त्यांवर सकाळपासूनच शुकशुकाट होता.
कोरोनाच्या पार्श्वभूमीवर मुख्यमंत्री उध्दव ठाकरे यांनी वीकेंड संचारबंदी लागू केली आहे. त्यामुळे शहरासह तालुक्यातील अनेक गावांतील आबालवृध्दांनी उत्स्फुर्तपणे प्रतिसाद दिला. पोलिसांनीही शहरात येणाऱ्या सर्व रस्त्यावर तपासणी नाके उभारल्याने विनाकारण फिरणारे शहरात आलेच नाहीत. पुणे-बेंगळुर महार्गावरही आज पहिल्याएवढी वर्दळ दिसून आली नाही. कोरोना व्हायरसच्या पार्श्वभूमीवर जिल्हा प्रशासनाच्यावतीने जिल्हाधिकार शेखर सिंग यांनी संचारबंदीची सक्त अंमलबजावणी करण्याच्या सुचना दिल्या आहेत. त्यानुसार प्रांताधिकारी उत्तम दिघे, तहसीलदार अमरदीप वाकडे, पोलिस उपाधीक्षक डॉ. रणजीत पाटील, वरिष्ठ पोलिस निरीक्षक बी. आर. पाटील, तालुका पोलिस निरीक्षक बाळासाहेब भरणे यांनी गर्दी न करण्याचे, आवश्यक असल्यासच बाहेर पडण्याचे आवाहन केले आहे.
त्याचबरोबर ३० एप्रिलपर्यंत आत्यावश्यक सेवा वगळता अन्य दुकाने बंद ठेवण्याचेही आवाहन केले आहे. शहरासह तालुक्यात संचारबंदीची चांगलीच आंमलबजावणी झाली. अधिकारी स्वतः शहरासह तालुक्यात फिरुन परिस्थितीवर नियंत्रण ठेवत होते. शहराच्या प्रवेशव्दारावर ठिकठिकाणी पोलिसांनी तपासणी नाके केले आहेत. त्यामुळे शहरात क्वचितच वाहने येत होती. बाजारपेठेतही शुकशुकाट होता. शहरासह तालुक्यात विविध ठिकाणी विनाकारण फिरणाऱ्यांना पोलिसांनी हिसका दाखवला.
संपादन : बाळकृष्ण मधाळे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.