फलटण-कोरेगावातील नागरी प्रश्न सोडवण्यासाठी 'फलटण संवाद'ची निर्मिती : संजीवराजे

फलटण शहर (जि. सातारा) : फलटण-कोरेगाव विधानसभा मतदारसंघातील नागरिकांचे प्रश्न सोडवण्यासाठी "फलटण संवाद' या ऍपची निर्मिती करण्यात आली आहे. नागरिकांनी सदर ऍप डाउनलोड करून त्याद्वारे आपले प्रश्न, समस्या मांडाव्यात, असे आवाहन सातारा जिल्हा परिषदेचे माजी अध्यक्ष संजीवराजे नाईक-निंबाळकर यांनी केले आहे. 

विधान परिषदेचे सभापती रामराजे नाईक-निंबाळकर, आमदार दीपक चव्हाण, फलटण बाजार समितीचे सभापती रघुनाथराजे नाईक- निंबाळकर, संजीवराजे नाईक- निंबाळकर यांच्या संकल्पनेतून "फलटण संवाद' या ऍपची निर्मिती करण्यात आली आहे. सध्याच्या डिजिटल युगात नागरिकांना घरी बसूनच आपली तक्रार अथवा समस्या "संवाद'या ऍपद्वारे मांडता येणार आहे. 

ऊसतोड मजुरांच्या मतदानासाठी धडपड; माणदेशातील पॅनेलप्रमुख, उमेदवारांकडून हालचाली

फलटण-कोरेगाव विधानसभा मतदारसंघातील नागरिकांचे प्रश्न सोडविण्यासाठी आम्ही सदैव कटिबद्ध आहोत, असे स्पष्ट करून, यामुळे नागरिकांना केव्हाही व कोठूनही आपली समस्या थेट मांडता येणार आहे. त्यामुळे जास्तीतजास्त नागरिकांनी आपले प्रश्न व समस्या मांडण्यासाठी या ऍपचा वापर करावा, असे आवाहनही संजीवराजे यांनी नागरिकांना केले आहे. https://is.gd/PhaltanSanwad या लिंकद्वारे "फलटण संवाद' हे ऍप नागरिकांना करता येणार आहे. 

संपादन : बाळकृष्ण मधाळे