'आमचा गाव'मधून कुडाळचा कायापालट करणार; उपसभापती सौरभ शिंदेंची ग्वाही | Sakal
sakal

बोलून बातमी शोधा

Satara Latest Marathi News

कुडाळ ग्रामपंचायतीच्या निवडणुकीत जनतेने मोठ्या विश्‍वासाने रयत पॅनेल व कुडाळ बहुजन विकास आघाडीकडे सत्ता सोपविली आहे.

'आमचा गाव'मधून कुडाळचा कायापालट करणार; उपसभापती सौरभ शिंदेंची ग्वाही

कुडाळ (जि. सातारा) : कुडाळ ग्रामपंचायतीच्या निवडणुकीत जनतेने मोठ्या विश्‍वासाने रयत पॅनेल व कुडाळ बहुजन विकास आघाडीकडे सत्ता सोपविली आहे. जनतेच्या विश्वासास पात्र राहून आमचा गाव आमचा विकास योजनेच्या माध्यामातून विकासकामांचा डोंगर उभा करून गावचा कायापालट करणार असल्याचे उपसभापती सौरभ शिंदे यांनी सांगितले. 

येथील विविध विकासकामांच्या भूमिपूजन कार्यक्रमप्रसंगी ते बोलत होते. ते म्हणाले, ""ग्रामपंचायतीत सत्तापालट झाल्यानंतर गावातील जनतेची विकासकामांबाबतची अपेक्षापूर्ती करणे हे सत्ताधारी म्हणून आमची जबाबादारी आहे. कुडाळ हे तालुक्‍यातील मोठी लोकसंख्या असणारे गाव आहे. त्यामुळे गावाचा नावलौकिक वाढवण्याच्या दृष्टीने रयत पॅनेल व कुडाळ बहुजन विकास आघाडी दोघेही प्रयत्नशील आहेत. अल्पावधीत कुडाळचा विकासात्मक चेहरामोहरा बदललेला दिसेल.'' 
याप्रसंगी बाजार समितीचे अध्यक्ष राजेंद्र शिंदे, प्रतापगड करखान्याचे संचालक मालोजीराव शिंदे, जितेंद्र शिंदे, सरपंच सुरेखा कुंभार, उपसरपंच सोमनाथ कदम, संजय शिंदे, धैर्यशील शिंदे, दिलीप वारागडे, राहुल ननावरे, महादेव शिंदे, आशिष रासकर, चंद्रकांत गवळी, समिर डांगे, महेंद्र शिंदे, तसेच सर्व ग्रामपंचायत सदस्य, ग्रामस्थ आदी उपस्थित होते. 

ये वो बंधन है जो कभी टूट नहीं सकता! अमेरिका- भारताचे मैत्रीचे नाते अतूट राहिल; नौदलाने गाण्यातून केला विश्वास व्यक्त

या वेळी ग्रामपंचायतीच्या माध्यमातून व उपसभापती सौरभ शिंदे यांच्या प्रयत्नातून येथील मराठी शाळा ते पुलस्ती मंदिर रस्ता व नागोबा माळ ते खंडोबा मंदिर या रस्त्याचे खडीकरण व डांबरीकरण करणे, जिल्हा परिषद शाळेसाठी शौचालय युनीट बांधकाम, तसेच कातकरी समाजाच्या लाभार्थीच्या घरकुलाची उभारणी करणे आदी विकासकामांचा प्रारंभ करण्यात आला. उपसरपंच सोमनाथ कदम यांनी आभार मानले. 

Video पाहा : तुमचे वय 45 पेक्षा जादा आहे? मग जाणून घ्या लसीकरणाच्या नाेंदणीची पध्दत

संपादन : बाळकृष्ण मधाळे

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Satara
loading image
go to top