नीटमध्ये सौरभ पाटील सातारा जिल्ह्यात प्रथम

कऱ्हाड : भारतातील वैद्यकीय महाविद्यालयांमध्ये वैद्यकीय आणि दंत महाविद्यालयात प्रवेश मिळण्यासाठी राष्ट्रीय पात्रता सह प्रवेश परीक्षा अर्थात नीटमध्ये येथील लिगाडे - पाटील कॉलेज ऑफ सायन्सचा विद्यार्थी सौरभ पाटील यांनी 720 पैकी तब्बल 685 गुण पटकावुन जिल्ह्यात प्रथम क्रमांक पटकावला.

विद्यानगर-सैदापूर येथील लिगाडे पाटील कॉलेज ऑफ सायन्स या महाविद्यालयाने राष्ट्रीय पात्रता परीक्षांमध्ये भरीव यश संपादन केले. महाविद्यालयाचे संस्थापक अध्यक्ष प्रा. बाजीराव पाटील व उपाध्यक्ष प्रा. विजय लिगाडे यांच्या मार्गदर्शनाखाली आज पर्यंत या महाविद्यालयाने देशाला अनेक नामांकित सनदी अधिकारी, डॉक्टर व इंजिनियर्स दिले आहेत. नीट परीक्षेत या महाविद्यालयाच्या साक्षी शेडगे हिने 666, सानिका यादवने 663, श्रावणी फासे 617, ऐश्वर्या रांका 608, सागर लादे 605, प्राजक्ता बाड 600, श्रेयस नलवडे 584, श्रेयस पाटील 584 व दीपा संदे 562 या अन्य विद्यार्थ्यांनी यश पटाकवले. कठोर परिश्रम आणि योग्य मार्गदर्शनाच्या जोरावर ग्रामीण भागातील विद्यार्थी देखील राष्ट्रीय पातळीवर चमकु शकतात हे पुन्हा एकदा सिध्द झाल्याचे प्रा. बाजीराव पाटील यांनी सांगीतले.

सानिकाचे यश वाखण्याजोगे

सानिका यादव या विद्यार्थीनीने 663 गुण पटकावले. मात्र या परीक्षे अगोदर महिन्यापूर्वीच सीआरपीएफमध्ये सेवा बजावत असताना तिचे वडील नक्षलवाद्यांच्या भ्याड हल्ल्यात गंभीर जखमी झाले होते, त्यांना एक डोळा गमवावा लागला. मात्र सानिकाने या बिकट प्रसंगातही चांगले यश मिळवल्याने तिचे विशेष कौतुक करण्यात आले.