श्रेयवादाची साथ पसरवू नका; शशिकांत शिंदेंच्या समर्थकांचा विराेधकांना टाेला

कोरेगाव (जि. सातारा) : ल्हासुर्णे गावातील आरोग्य उपकेंद्राच्या मंजुरीसाठी आमदार शशिकांत शिंदे यांनी केलेल्या पाठपुराव्याचा मी स्वतः साक्षीदार आहे. त्यामुळे काहीही संबंध नसलेल्या इतरांनी या कामाचे श्रेय घेण्याचा प्रयत्न करू नये आणि तालुक्‍यात श्रेयवादाची साथ पसरवू नये, अशा शब्दांत सभापती राजाभाऊ जगदाळे यांनी आमदार महेश शिंदे यांचा नामोल्लेख टाळून टोला लगावला.
 
ल्हासुर्णे (ता. कोरेगाव) येथे उभारलेल्या सुमारे दीड कोटींच्या आरोग्य उपकेंद्राचे उद्‌घाटन तसेच अंगणवाडी इमारत, स्मशानभूमी शेड आणि कुंभारवाडा, माने आळी येथे पेव्हर्स बसवणे अशा एकूण एक कोटी 72 लाखांच्या विकासकामांचा प्रारंभ श्री. जगदाळे, जिल्हा परिषदेचे सदस्य जयवंत भोसले, राष्ट्रवादी युवक कॉंग्रेसचे जिल्हाध्यक्ष तेजस शिंदे, पंचायत समिती सदस्या सुप्रिया सावंत यांच्या उपस्थितीत झाला. त्यावेळी ते बोलत होते.

कऱ्हाड तालुक्‍यात पोलिस ठाणी वाहतूकशाखेविनाच; खाकीच्या खांद्यावर पडतोय भार

ते म्हणाले, ""शशिकांत शिंदेंच्या सूचनेनुसार ल्हासुर्णेत उपकेंद्रासाठी पंचायत समितीच्या मासिक सभेत ठराव केला. त्यानंतर पाठपुरावा करुन या उपकेंद्रास मंजुरी मिळवली. शशिकांत शिंदे निवडून आले असते, तर ते नक्कीच कॅबिनेट मंत्री झाले असते. मात्र, पक्षनिष्ठेमुळे त्यांना विधान परिषदेवर काम करण्याची संधी मिळाली आहे. त्यामुळे कामे अडणार नाहीत.'' सुप्रिया सावंत म्हणाल्या, ""या उपकेंद्राच्या कामाचे आता श्रेय घेणारे तीन वर्षांपूर्वी आमदार होते का? निवडून आल्यानंतर ते किती वेळा गावात आले?'' जयवंत भोसले, तेजस शिंदे, डॉ. नितीन सावंत, हभप डॉ. सुहास फडतरे यांचीही भाषणे झाली.

शेतकरीविरोधी काळे कायदे रद्द करा, लोणंदात कॉंग्रेसचा एल्गार

भगवानराव घाडगे यांनी स्वागत केले. जगन्नाथ कुंभार यांनी प्रास्ताविक केले. कार्यक्रमास माजी उपसरपंच अधिक जाधव, वारकरी मंडळाचे तालुकाध्यक्ष हभप प्रकाश सावंत, प्रकाश राजे, पोपटभाऊ सावंत, राजेंद्र घाडगे, शामराव इंगळे, बबन मौलवी उपस्थित होते.

Edited By : Siddharth Latkar