कोरोनाचा फैलाव रोखण्यासाठी विलगीकरण कक्षाची गरज : सहकारमंत्री पाटील

उंब्रज (सातारा) : ग्रामीण भागात कोरोनाने (Coronavirus) हात-पाय पसरले असून कोरोनाचा फैलाव होवू नये यासाठी संस्थात्मक विलगीकरणाची (Quarantine) गरज आहे. उंब्रजचा विलगीकरण कक्ष (Quarantine centre) रुग्णांना दिलासा देणारा ठरेल, असा विश्वास सहकार व पणन मंत्री तथा जिल्ह्याचे पालकमंत्री बाळासाहेब पाटील (Minister Balasaheb Patil) यांनी व्यक्त केला. (To Stop Spread Of Coronavirus Must Be Quarantined Requested By Minister Balasaheb Patil Satara Marathi News)

शिवडे येथील संत निरंकारी सत्संग भवनात रोटरी क्लब, ग्रामपंचायत उंब्रज, ग्रामपंचायत शिवडे, शिवभक्त प्रतिष्ठान, प्राथमिक आरोग्य केंद्र, मेडिकल असोसिएशन आणि संत निरंकारी सत्संगाच्या संयुक्त विद्यमाने 50 बेडचा विलगीकरण कक्ष सुरु करण्यात आला आहे. त्याच्या उद्घाटनप्रसंगी ते बोलत होते. प्रांताधिकारी उत्तम दिघे, तहसीलदार अमरदीप वाकडे, गटविकास अधिकारी डॉ आबासाहेब पवार, जिल्हा परिषद सदस्या विनिता पलंगे, सोमनाथ जाधव, संग्रामसिंह पलंगे, डॉ. संजय कुंभार, डॉ. दिनेश गायकवाड, डॉ. ‌सुनिल कोडगुले, डॉ. हेमंत पाटील, भारती मदने यांच्यासह रोटरी, शिवभक्त प्रतिष्ठान आणि संत निरंकार संस्थेचे पदाधिकारी उपस्थित होते.

सहाय्यक पोलिस निरीक्षक अजय गोरड (Assistant Inspector of Police Ajay Gorad) यांनी कोरोना कालावधीत नियमांचे उल्लंघन केल्याप्रकरणी वसूल करण्यात आलेल्या दोन लाख चार हजार 400 रुपयांच्या दंडाची रक्कम पालकमंत्री यांच्याकडे सुपूर्द केली. त्यांनी ती रक्कम सरपंच योगराज जाधव, उपसरपंच सुनंदा जाधव, ग्रामपंचायत सदस्यांकडे सुपूर्द केली. डॉ. सुनिल कोडगुले यांनी प्रास्ताविक केले.

To Stop Spread Of Coronavirus Must Be Quarantined Requested By Minister Balasaheb Patil Satara Marathi News