'या' शहरातील 'त्या' पेठेत पुन्हा दोन महिन्यांनी कोरोनाचा शिरकाव

कऱ्हाड ः येथील मंगळवार पेठेतील पाटील गल्लीत पुन्हा दोन महिन्यांनी कोरोनाने शिरकाव केला आहे. तेथील दोन मुलांचा अहवाल कोरोना बाधित आला. त्या दोन्ही मुलांना त्यांच्या आजी व मामापासून कोरोना झाला असावा, अशी प्राथमिक माहिती आहे. कोरोनाचा अहवाल पॉझिटिव्ह आलेल्यामध्ये सात वर्षांचा मुलगा, तर अकरा वर्षांच्या मुलीचा समावेश आहे. संबंधित दोन्ही मुले 27 जूनपासून त्यांच्या बनवडी येथे मामाकडे होते.
सातारा शहरातील एकाचा मृत्यू

 
त्या दोघांचे 84 वर्षांचे आजोबा मुंबईत कोरोना बाधित आले होते. त्यांचे 25 जून रोजी मुंबईतच निधन झाले. त्यांचा अंत्यविधी मुंबईत झाला. अंत्यविधीनंतर त्यांचे रक्षा विसर्जन बनवडी येथे झाले. मुंबईहून आजी व मामा 26 जूनला रात्री बनवडी येथे आले होते. त्यासाठी संपूर्ण कुटुंब 27 जूनपासून बनवडी येथे त्यांच्या घरी राहिले होते. 28 जून रोजी रक्षा विसर्जन झाले. त्यानंतर दोन्ही मुलांचे आजी व मामाही कोरोना बाधित ठरले आहेत. दोन्ही बाधित त्या वेळी ते कऱ्हाडमध्ये आले होते, अशी प्राथमिक माहिती मिळाली आहे. त्याचा शोध सुरू आहे. त्या दोघांपासूनच मुले कोरोनाबाधित ठरली आहेत.
ताज्या बातम्यांसाठी क्लिक करा

संपादन - सिद्धार्थ लाटकर

कोरोना रोखण्यासाठी झेडपी सरसावली; गावपातळीवर केल्या या उपाययोजना  

शिवेंद्रसिंहराजेंनी का बरं मानले अजित पवारांचे आभार, वाचा सविस्तर

सावधान! लग्न समारंभास 'याच' नातेवाईकांनी उपस्थित रहा, अन्यथा...