गुगल ‘जीबोर्ड’ ॲप आता अपडेटसह

Google-GBoard-App
Google-GBoard-App

स्मार्टफोनवरून स्थानिक भाषेमध्ये संवादाला खूप महत्त्व प्राप्त झाले आहे. हे सर्व शक्‍य झाले आहे, ते त्या त्या भाषेतील कीबोर्डची सुविधा उपलब्ध झाल्यामुळे. स्थानिक भाषेमध्ये संवाद साधण्यासाठी गुगलचे ‘जीबोर्ड’ हे ॲप खास बनले आहे. कारण गुगलने हे ॲप आणखी अपडेट केले आहे. ॲपमध्ये नवीन फिचर जोडण्यात आले आहे. या अपडेटमुळे हे ॲप आता आणखी २० भाषांना सपोर्ट करू लागले आहे. जगभरातील जवळपास तीनशे भाषांना गुगलचे ‘जोबीर्ड’ सपोर्ट करते. याशिवाय व्हॉट्‌स ॲप किंवा अन्य मेसेंजरच्या माध्यमातून टेक्‍स्ट मेसेजद्वारे एखाद्या रेस्टॉरंटचा पत्ता किंवा माहिती सांगायची झाल्यास, या ॲपवरूनच सर्च करता येईल. त्यानंतर सर्च केलेला पत्ता किंवा माहिती ॲपद्वारे थेट पाठवता येईल. गुगलने सर्च ही सुविधा या ॲपमध्ये कीपॅडच्या वरच्या बाजूला दिली आहे. समजा इंटरनेटवर एखाद्या ठिकाणाबद्दल माहिती घ्यायची असेल, तर या कीपॅडच्या वरच्या बाजूला दिलेल्या सर्च आयकॉनवर क्‍लिक करावे लागेल. त्यानंतर आपोआप सर्च स्क्रिनवर येईल. त्यानंतर ठिकाण सर्च केल्यास त्याची माहिती स्क्रिनवर येईल. ही माहिती कॉपी, पेस्ट न करता पाठवता येईल. हे ॲप डाऊनलोड केल्यानंतर कोणत्याही मेसेजिंग ॲपमध्ये जीबोर्डचा वापर करता येईल. जीबोर्डमध्ये ग्लाईड टायपिंग, व्हॉईस टायपिंग, सर्च ॲन्ड शेअर, इमोजी सर्च, जीआयफ, मल्टिंगल टायपिंग, गुगल ट्रान्स्लेट या गोष्टी मिळतात.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com