Vivo V27 Pro : 12GB रॅम अन् लेटेस्ट प्रोसेसर, लाँचपूर्वीच समोर आले डिटेल्स

स्मार्टफोन ब्रँड Vivo ने आपली नवीन मिड-रेंज फोन सीरीज Vivo V27 Series भारतात लॉन्च करण्याची तयारी केली आहे. या सीरिजचा फोन भारतात 1 मार्चला लॉन्च होईल. Vivo V27 Pro चे स्पेसिफिकेशन लॉन्च होण्यापूर्वीच समोर आले आहेत. समोर आलेल्या लीक्सनुसार, फोन 12 GB पर्यंत रॅम आणि लेटेस्ट प्रोसेसरसह ऑफर केला जाऊ शकतो. चला फोनचे इतर तपशील आणि फोनची संभाव्य किंमत जाणून घेऊया.

Vivo V27 Pro ची अपेक्षित किंमत

कंपनीने फोनच्या किंमतीबाबत अद्याप माहिती दिलेली नाही. हा फोन Vivo V25 Pro चा अपग्रेड म्हणून सादर केला जाईल. या फोनची किंमत 35,000 रुपये आहे. त्याच किंमतीत नवीन फोन देखील सादर केला जाऊ शकतो. म्हणजेच Vivo V27 Pro ची किंमत 40 हजारांपेक्षा कमी असू शकते.

Sharad Pawar News : "८३ वर्षांचा योद्धा विद्यार्थ्यांसाठी मैदानात"; पवारांची कमिटमेंट पाहून नेटकरी भारावले

Vivo V27 Pro चे फीचर्स

Vivo V27 Pro स्मार्टफोनला 6.78 इंच 3D वक्र डिस्प्ले मिळेल, ज्याला 120Hz रिफ्रेश रेट आणि 2400X1800 पिक्सेल रिझोल्यूशन मिळेल. डिस्प्लेसह, 360Hz टच सॅम्पलिंग रेट आणि सुरक्षिततेसाठी इन-डिस्प्ले फिंगरप्रिंट सेन्सर उपलब्ध असेल.

फोनमध्ये MediaTek Dimensity 8200 प्रोसेसर आणि 12 GB पर्यंत LPDDR5 रॅम सपोर्ट उपलब्ध असेल. फोनमध्ये 256 GB UFS 3.1 स्टोरेज देखील मिळेल.

एक बिहारी, सौ पे भारी! आवाज ऐकून नेटकऱ्यांना पडली भूरळ; Viral Video एकदा पाहाच

फोनमध्ये ट्रिपल रियर कॅमेरा सेटअप उपलब्ध असेल, ज्यामध्ये 50 मेगापिक्सलचा प्रायमरी कॅमेरा उपलब्ध असेल. प्रायमरी कॅमेऱ्यामध्ये ऑप्टिकल इमेज स्टॅबिलायझेशन (OIS) आणि 'ऑरा लाइट पोर्ट्रेट' सपोर्ट मिळेल. फोनमध्ये 8-मेगापिक्सलचा अल्ट्रा-वाइड कॅमेरा आणि 2-मेगापिक्सलचा मायक्रो लेन्स दिला जाऊ शकतो. सेल्फी आणि व्हिडिओ कॉलसाठी फोनमध्ये 32-मेगापिक्सलचा फ्रंट कॅमेरा दिला जाऊ शकतो.