Viral : टेबलाजवळ गेला अन् ड्रॉवरमध्ये निघाला भलामोठा साप; जीवाचा थरकाप

साप पाहिला की आपली पळता भुई थोडी होते. अनेकजणांना सापाएवढी भिती दुसऱ्या कोणत्या प्राण्याची वाटत नसेल. पण साप प्रत्यक्षात अचानक समोर आला तर विचारूच नका. सध्या असाच एक फोटो सोशल मीडियावर व्हायरल झाला आहे. त्यामध्ये एका टेबलाच्या ड्रॉवरमध्ये साप सापडला आहे.

व्हायरल होत असलेला फोटो एका टेबलाच्या कप्प्यातील असून तो फायलीच्या बाजूला गुंडाळी करून बसल्याचं आपल्याला दिसत आहे. अचानक ड्रॉवर उघडल्यावर सदर व्यक्तीने साप पाहिला आणि त्याच्या जीवाचा थरकाप उडाला. हृदयाच्या ठोक्यामध्ये वाढ झाली आणि त्यांनी साप पकडायला सर्पमित्रांना बोलावलं.

दरम्यान, सर्पमित्राने या सापाला पकडून जंगलात सोडून दिले. एका बारच्या मॅनेजरच्या टेबलाच्या ड्रॉवरमध्ये हा साप आढळल्याची माहिती असून असे अनेक प्रकार याआधी घडले आहेत. त्यामुळे आपणही एखादी वस्तू खूप दिवसांनंतर उघडत असाल किंवा पाहत असाल तर सांभाळून हाताळले पाहिजे.