ओझर (जि. नाशिक) : येथील मिलिंदनगरमधील मजुरी करणाऱ्या महिलेच्या घरात घुसून बालिकेचे अपहरण करण्याचा प्रयत्न झाल्याची धक्कादायक घटन समोर आली आहे, चिमुरडीचे दैवच बलवत्तर होते म्हणून अनर्थ टळल्याचे बोलले जात आहे.
नेमके काय घडले?
सातवर्षीय बालिकेचे गुरुवारी (ता.२५) रात्री दीडच्या सुमारास जवळच राहणाऱ्या तरुणाने अपहरण करण्याचा प्रयत्न केला. कविता जयवंत बच्छाव (वय २४, रा. राजवाडा, मिलिंदनगर, ओझर) यांची मुलगी रूचिका (वय ७), दोन मुले व पती घरात झोपलेले असताना घराचा दरवाजा अर्धवट उघडा असताना संशयित अनिल धर्मा सकट (२४, रा. राजवाडा, मिलिंदनगर, ओझर) याने घरात प्रवेश करून रूचिकाला उचलून नेण्याचा प्रयत्न केला.
रुचिकाच्या ओरडण्याचा आवाज आल्याने आई कविता यांना जाग आल्याने त्यांनी घराबाहेर येऊन संशयिताच्या तावडीतून मुलीची सुटका केली. याप्रकरणी संशयिताविरोधात ओझर पोलिस ठाण्यात गुन्हा दाखल झाला. पोलिस निरीक्षक अशोक राहाटे यांच्या मार्गदर्शनाखाली पोलिस उपनिरीक्षक गणपत जाधव, पोलिस उपनिरीक्षक ए. बी. तोडमल तपास करीत आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.